زى التراب زى الغياب
زى اما يوحشنى الصحاب
زى اما يوحشنى الصحاب
عايش انا
قصدى اقول ميت هنا ا
!!!!
!!!!
كان خيط .. وداب
او ضوء نهار
لكن مسيره ينسحب
وانا بنتحب
بس ف سكوت
مش يبقى موت
و كمان عذاب
!!
!!
-2-
وانا اصلى غريب
ما اقدرش اولف ع السقعة
ولا املك غير مليون دمعة
وما اعرفش ابيع
ولا يعرف قلمى المتغمس
ولا يعرف قلمى المتغمس
بالحزن يضيع
وما بين البسمة المرسومة
و ما بين قومة
تلخبط مواضيع
!!!
تلخبط مواضيع
!!!
ما اعرفش ابيع
!!
!!
.jpg)
.gif)
هناك تعليقان (2):
شفت الموت.. ومجربتوش
لكن أقدر اوصفهولك !
كنت معاك ع الأرض بعيش
كنت ف وزنك .. كنت ف طولك !
كل كلامك ده ..قايلهولك
كل الجي ف عمرك قبلك عشته بدالك !
حتى حبيبتك حبيتهالك!
حتى خطيئتك .. عشت معاها!
صرخة قلبك ..قالت آهه
طالعه بصوتي ..(اسمّّعهولك؟)
شكلك عارف وبتستهبل!!
الفرق اللي مابيني وبينك
أنك راضي .. وأنا مش بقبل
أنك حاضن كدبك ..عادي
وانا كدبي بيوجعني ويقتل ..!
اني رفعت الرايه البيضا
وانت نويت وخلاص تستقتل
عايش ميّت إنت ..وقلبي
ميّت عايش ..!
سبقك موته .. دفنُه الهامش !
لو رح تسأل
راح يحكولك
هتلاقي كتير زيي قالولك ..
شفت الموت ومجربتوش
لكن أقدر أوصفهولك !!
ـــــــــــــــــ
إحساس راقي يخترق القلوب قرأته هنا
تحياتي أ/ سمر
ــــــــــ
هاني رمضان
ـــــــ
هانى ...
ومش عارفه ارد و اقول غير اهه
طالعى ما بين دمعى و صمتى
اقولك حاجة
ربنا يبارك فى موهبتك الرائعة اخويا العزيز
عارف طبعا راى فى كتاباتك ومش محتاجة اقوله
إرسال تعليق