رعشــة..

ف قلب كفى المضموم .. رعشة

نقطة ياسمين ..

تستنى .. حنين ..

تستنى ومين

يلمس لمسة ...

دى حروف اللولى الملضومة

ف حبة احساس ..

خايفة لتنداس ...

وايقاع لنبض المتسربع

لما بشوفك ..

حساه لسه ..

وطبطب على جرحى بصوت ضحكة

معجونة كسوف

و لا عمره الخوف

يقدر يرسم لهواك اشجار ..

تطرح فرحة ..

ولما انا سارحة

مين اللى عينيها بتنده لك ..

وبكل الشوق .. تهمس همسة؟

بحبك

عارف .. لما ببص لصورتك

القى عيونك ندهالى ..

وكأن المسافة يادوب ...

تنهيدة

و تبقالى ....

نفسى ..

احط قلبى بين كفوفك ..

و اسيبه يطرح

فل ناعم

زى صوتك

لما مرة .....

......

صحيتنى على كلمة

ب ح ب ك

وحسدتك

على غرامى .. على كلامى

على حلمى اللى ما اتفسر

- وبحبك ...

- ..لأ .. انا اكتر ...

مشاهد خاصة

مشهد اغراء

ضحكت ...

و مشيت بدلال ... يخنق

ووراها عيونك ..

و دموعى

و ...

فشل

ودقى يا مزيكا

بس مش هنقول انا و انت .......

هانقول انت و... هى ...

وبرضو ..........انت ...



****

رقابة ..

تفتكر لامتى مقص الرقيب

جوايا

هايفضل صاحى حتى ع الورق

وما يسمحش لرعشة صوتى

تقول الااااااااااااااه؟

لما ...

بتحتل بكل قساوة ...

غيطان حنينى ... المزروعة قلق؟



******

الجمهور عاوز كده!!

رعب

منى / عليك

و نكد ................. عادى !!!

وشوية بكش

عشانك اهو.... واقف قصادى ...!!

و لو زودت شوية ضحك

منك /عليا

اكيد اكيد ...

هايكسر فيلمك الدنيا ..



****

جايزة ..



تاخد اوسكار !!!

يمكن اكتر ..

لما جيت وسبكت لعبة ..

................

.............

معترفة جدا انى (خايبة )

وطلعت اكيد مظلوم

و انت الجانى ..

هتقاوح ؟؟

تانى؟!!!!!!!!!!!!!!!!!!!!

مشاهد مش متشافة ..(1)

تترات بتنزل ..

--------------------------------

اسمك ... بنطقه بهمس خايف

لتفضح رعشتى حزنى

و انا بغنى ..

وشايفك من بعيد واقف

نهاية بتتكتب

--------------------------------

وقبل اخر حرف

تصرخ

استنى ..

و اخاف اجاوب ..

يطلع وهمى

وبينتحب

توزيع ..

--------------------

ووزعوا حلمنا المقسوم على كل قلب

بجد حب

اخد نصيبه م الحرمان

وفاض

الحزن الكبير ليا ...

مشهد مكرر

----------------------------

كل يوم انده عليك ..

ترد

اجرى عليك بحلم سنينى المشتاقة

ترجع كما طبعك

... تصد ..

خرس موجوع ..

----------------------------------

وسألتنى قد ايه الشوق

ما رديتش

و ازاى اشتاق وانت عمرك

ما فارقت ؟؟؟

وبحبك ...

--------------------

كلمة ف كل فيلم

فى كل حلم

و كل افيش

بس زى ما عشقتك .. بجد ..

مافيش

و نتراهن !!

تشويش

طقس الغنا الليلة دى

جروح

مفتوحة ع البحرى ..

ومستني اللى جى... يروح ,,

ومين ع الاهة يستجرى ..!!!

تشويش ...

!!!!

حب وفرحة؟

لأه ..مافيش

غير نوحى

غراب فارد جناح اسود

على الصفحة

ومش لامحة

ف جواب السين

غير عتمة

ضامة القلب وكيانى

مكسور السن من عمرى

ومش قادر على الدمعة

يطفيها ..

يعيش ليها

او حتى يموت بيها

دموع

و الاتى ولا عمره

هايبقى خضوع

ولوفاكر سكوت الروح تعزيمة

مابقتش مريد

ولا مجذوب ...

لعيونك ..

دى كدابة ومش راضية

و كتير شايفها انا فاضية ....

واحشنى صوتك العالى

دا الغالى

كان من عبطه .. يرخص لك ...

يكسر لك حدود الروح

تخطيها ..

و تملا الكون دعا خداع

ولا تذكر .. سوى نفسك ..

وكان امسك

سجن حيطانه تحلالى

غنا مدبووووح

...........

.......

ما تقولليش غنيلى ...

**النص على هامش نص الغالية سهر .. طقس غنا **

شعر مخنووق

قرب ... و ما تتكلمش
مرر صوابعك بين موج الشعر .. المخنوق
بلسم ..
و القلب عليل
بس اوعى تميل
اصل الكون خايف جدا ..
يسمع مواويل ..

و يلمس طرف روحى شعرك .. وادووووووب
ابص ف عينيك
القى الخطر
ما عادش ينفع ياالحبيب منك حذر
لازم اتوب!!

ما بحبش الاصفر!!

وما بحبش الاصفر !!

لا ف ورد

و لا ضحكة

بتكرمش خد

ولاحتى ف برود صوتك

لما تسلم

............

........

و الغيرة

و خناقك ..

.......

و البرد ...

وسؤالى

المش لاقى الرد ....

واهو لون !!!

لا غلط فى كلامه

ولا زاد فى ملامه

ولا حتى احتد!!!

سكر مرشوش على سما زرقا

تعرف؟!

لساك قادر ....

..........

علشان خاطرى

بدل وبسرعة دموع العين

سكر مرشوش

على سما زرقا

وسحابها خيول ..

فى براح القلب اوام ترمح

اوعاك تجرح

مش قادر قلبى على الاحزان ...

حبه الوان

شخبط بيهم

فى بياض العمر المتوضى

بندى النسيان ..

استنى كمان !!!

ارسم ورده ...

اوراقها حنان ..

خليك جنبى ...

ده المتخبى

ف هوايا امان ..

عارف طبعى ...

رغم ان الحزن بجد ...يهد !!

بعرف افرح

لو مس ضلام اليوم منك

ندعة ياسمين

ما تكونش بخيل ..

وازرع فى غيطان الصمت كلام

مايكونش ملام

قادر تسبح.؟.... ضد التيار ؟

اللى انت بنفسك حرضته

يبقى ملاوع؟

قلبك سامع؟

الله يا على !!!

ااااااه ....
موجوع القلب اوى ..
و غنا على امبارح فى ساقية الصاوى .. كان ....
................



تعودت العمر ان اسمعه يغنى .. و كانه صوت يسبح فى السحاب …

يغنى فتنصت حتى نبضات القلب


لكن امس لم يسامحك المقعد الفارغ بجوارى حين غنى …
" متونس بيكى و كانك من دمى .. "

و لم تسامحك دموعى … / "على راحتى معاكى و كأنك امى .. "

لكنى سامحتك بكل ما فى الجرح من قلب ..

وبكيت .. كما بكيت دوما وانت معى/لست معى

سؤال على هامش الشجن : هل كنت ابدا معى ؟


عارف !!......هذه المرة حين غنى " عارفه "

لم اجد فى يدى عقدا من نجوم كما تعودت

فلم يأتى صوتك بعدها ...

" ايدك خليها ف ايدى انا طفل كبير .. "

********

ذكريات



و هل يمكن لروحى ان تضع عند بوابات الحنان بعيونك لافتة ..

مكتوب عليها .. اصبح ذكرى ؟!!

وهل كنت انت تدرك انك ستحرمنى حتى من اغنيتى المفضلة

حين ..وببساطة حرضت العشق على الفيضان

لكن .. سبحان من يقلب القلوب ..

*********

"لو تعرفى .. انا قد ايه موجود تمللى فى سكتك .

وحلم دافى لسه تحت مخدتك "

> >

اه لو تعرف انت .. كم يشتاق اليك عطرى كل مساء حين …
" انا و الصمت و برد الليل .. وخوف الليل "

ولو تعرف انت …اننا لم نفترق.. رغم …

ياااااااااااااااااااه كم هو هائل شبح البعد

و انا كما اظنك لازلت تذكرنى لا اشغل مساحات فى فراغ الكون

الا .. حين ينبض قلبى ..

شدا .. كما يشدو فيحملنى صوته الى بعيد ..

حيث كنت دوما اجدك فى انتظارى

و العيون نهر من امان ..

" لو نروق هيجينا كل ما اتمنينا "
لكنى هذه المرة .. كمرات كثيرة آتية ...
سأجد ان ....
" و نجوم تموت .. حين نفترق "


"كل الجروح لها دوا .. "

طلبوا مثل قلبى ان يغنيها فلم يجد الكلمات ..

ربما لانى لم اجد الدواء لدائى بعد

اتظننى و انا المجنونة بك ربما سأ دعى العقل يوما؟

وستصدقنى ؟


"وانا مهما اقع راح اقوم ودى مسأله مبدأ ….."



و.......
بس يا سمر ..!!!

على فكرة البوست مهدى للصديقتين الغاليتين
سهرصاحبة العمر اللى عدا و اللى جى
مستنية كلام قلبك ... وعدتى ما تنسيش...

و للعزيزة جدا سارة ربيع ..

سارة كنتى معانا بجد اوى

عطر استوائى ..

حينما تبدأ وشوشات النخل فى قلبى المشرع

ترسل السماء شعرها المموج نحو الارض
انتظارا لصعود محتمل .....
و اسرج انا الف قنديل كى لا .. تبصر دمعى ..
فتطوف باركانى المفروشة بالحنين
و تمسح بيديك الانتظار ...
فينبت للاجنحة ظل
و يصير التحليق ممكنا

حينما الشمس تفور ... فى كأسك الفضى

......
ايها الغريب
عطرك الاستوائى الجنون يدوخنى حقا ...
و انا ترنيمة لا تكتمل و مطر عصى الانهمار ..
طبول تدوى ... و القلب يمامة ...
و الرقصة المنتشية الايقاع توشك على النهاية ..
و ادوووور...
التقطنى قبل ان ... اطير ...
فى اسطورة لا اعرفها قال عراف ان الطيران صوب الشرق محال ..
و ان اليمام اذا ما حلق وحيدا فى ليل يتردد فى المجئ
يصير العمر ياسمينة ... قطفتها يد الاعصار ...
وانت هو انت .. يا من لا يعرفنى

و انا هى انا لكنى اعرفك كما ..
يعرف الظمآن الماء ..

لكنى .. فرشت طرقات القلب صبرا

و اقمت خيامى بين شعاب صوتك

و ناديت

فلم يسمع ندائى الا

الصدى ...

و .. بحر من شهد ينتظر ...

عبث

شهاب منفلت من اسوار الصمت ...
يجرح وجنات الياسمين ..
فيقطر ... صهيل
و امر مرور الغريب على اروقة الصبر
فلا اجد للقلب شراع
وتطالعنى الشمس بوجه عبوس
حين لا تقبل يومى انامل حنانك ..
و لا ترسم على جدران العمر .. فراشة

لكنى و باندفاع موجة شارده
احاول قطف جمرات اللقاء قبل ان يحين الامل
فتراوغنى الشجرة و تغلق ابواب الكلام ..
فترف سنونوات الرحيل بعيونى
و تسطر على جبين الوقت .. شئ من ملام ...


اكون وحدى حينما اكون معك ..
ولا تكون انت معى
لكن الاجمل حقا ان تكوننى انت بعض الوقت
فاصبح انا .. غيرى
و تصبح انت اميرا للاساطير ..

حينما يثور البحر اجدنى و انا بعض من جنونه
اقترف خطيئة الهدوء الممتزج بابتسامة فقط لاجلك
انت الثائر على قيود البعاد
و المقترب بلا وجل من عش اليمام ..
حيث يهدل فؤادى ..

خط السكون فى كفك ...
ينمحى .. حين يمر عليه سندس كفى ؟
ام هو قدر ايها الغريب ان تظل انت بقلبى
و اظل انا اسيرة حزنك المعتق ؟

امنية مجنونة ... اريد ان تغنى لى وحدى ...

ولكن

فى صمتك ..

تحدثنى اكثر...

وحين تغمض عينيك ... يحلو بين هدبيك السفر

وشوشات ..مع .محمود درويش

وفوق سطوح الزوابع كلّ كلام جميل ،و كل
لقاء وداع
و ما بيننا غير هذا اللقاء، و ما بيننا غير هذا الوداع.أحبّك، أو لا أحبك_
يهرب مني حبيبي ،و أشعر أنك لا شيء أو كل شيء.
و أنك قابلة للضياع
مزامير .. محمود درويش
لكن سمر تهمس ..صباح يصنعه صوت درويش الهامس .. برتقالى المذاق
وحنين يسكن اضلعى

ولا ابوح
فبعض البوح ..

خريف يسارع بالفرار
تسقط من قلبى ندف الثلج ..

تسقط من قلبى اوراق بنكهة البعاد

يسقط من قلبى قلبى .. قلبى
هذا الصباح

و احبك .. حين لا احبك
و انساك ..

حين يسكننى الوداع
*****
هكذا يترك العاشقان وداعهما
فوضويًّا، كرائحة الياسمين على ليل تمّوز...
في كلّ تمّوز يحملني الياسمين إلى شارع، لا يؤدّي إلى هدفٍ،
بيد أني أتابع أغنيّتي:
ياسمينٌ على ليل تمّوز......
محمود درويش ... ليل يفيض من الجسد

******
وداع .. يحترق عند حافة الرصيف المرتجف بردا
و انت بلا انت تمضى بلا هدف سوى انت
و انا بلا انا اظل هناك ..
احاول رتق اجنحتى
لاعاود الطيران ..
وحدى
وحدى
وحدى
***
سأوقظ روحي علي وَجَع سابق
قادم، كالرسالة، من شرفة الذاكرةْ
سأهتف: مازلت حيًّا، لأنيَ
أَشعر بالسهم يخترق الخاصرةْ
محمود درويش
من قصيدة ضباب كثيف على الجسر
**
محفور على جدار ذاكرتى المتعب
ان الجرح يتكرر
و الايام تعود
و نحن لا نظل كما كنا
لكن الغرباء
يعودون ... كما كانوا
و اقسى ...
***
لا أطلب من قلبك غير الخفقان .
كيف يبقى الحلم حلما
كيف
يبقى
الحلم
حلما
و قديما ، شرّدتني نظرتان
و التقينا قبل هذا اليوم في هذا المكان


محمود درويش -حالة واحدة لبحار كثيرة


****
قال الشاعر ان البحر سعيد ..
و الغيم سعيد
و انا ...

تلك القطرة من دمعك .. لست سعيدة
مذ فارقت عينيك
عيناك ...
.......
و السياج
.........
و الف صرخة
......... حبيبى .. ايها القريب البعيد ..
اكل احرف الهجاء لديك
اصبحت
لا؟؟؟

بوح و ... نوح (1)

حين يؤذن المؤذن بابتداء البوح ..
و تهل الفراشات من افق الياسمين البعيد
تنثر رشات العطر و السكر ..
ابتسم و اجلس لاغزل مئزرا من الحروف
يصاحبنى فى ليالى شتائى المقيم ..
الوارف الحزن
وارمى مرساتى .. لابوح..
ترى لم الفرق بين البوح و النوح ..
مجرد تغيير مكان النقطه
بفعل .. ربما دمعة طائشة
وربما ارتعاشة قلب فاجاة البوح عند جذع حنان
فهز اليه جناح الحرف يتساقط وردا نديا ..
فينوح الوتر شجنا .. و ترقبا و ربما املا ..
ويصير السائر على صراط من نجوم مغمضة العينين
اقدر ما يكون على ان يطرز النوح بالبوح
ويطلق نوارسه سحابة ..
فيخاف البحر على وجناته المغرورة
من ان تمسها مناقير الصدق ..
فتفضح ما اقترفناه من معاداه اليوم الفار من قبضة الملل
ربما خجلا او محاولة منا للسعى
نحو كمال لا يتحقق ..
و تحقق لا يكتمل
فلا نصبح نحن /نحن
الا باكتمال البوح و النوح كمفرد لا يتجزأ
و لا يقبل التخلى عن كونه اساس و غاية و طريق
اساس لكى نكون
و غاية لكوننا
و طريق نسير فيه ولا نبالى


-2-
بوح لم يكتمل و نوح لم يتحقق

و يراودنى النوح عن بعض مدامعى
فاتردد فى فعل البكااء حياء من بنفسجة تتودد

حين يخاطبها الحالمون و تقول ...
هيت لكم ايها العابرون ..
فلا يجيبها الا تمنع من خشى الغرق
و اسرى فى ليل اناى المهاجر من صمت الى صمت
و اتذرع بحلول مواسم قطاف الامانى
لاقف معى طويلا
دون ان احاسبنى على خلوتى المسروقة
مع طائر رف جناحه الوردى فى ليلى العبق السواد ..
لاسأله .. و اجيبنى
و اناور البوح لكى اختبئ فى ظل صفصافة التكتم و المواربة
منعا لانهمار محتمل و انهيار وارد
لكل حصونى التائقة للذوبان ..
لاننى اذ ادرك ان فى البوح يكمن الخطر
و انه لاضير من منح علامات الاستفهام و التعجب
ما شاءت من اجنحة و سماوات ..
اعلم يقينا انه سيأتى يوم
لا ينفع فيه صمت او تسويف
فما لا اراه .. اراه حقا
وما لا ادركه سيثور معلنا حقه
فى التحرر من قيد الغير معلوم و الم المسكوت عنه ..
وما اراه سيملنى فىحالة سكونى
و فى حالة فوران غير محسوب
تنوء به قدرتى على الاحتمال ..

سكون

سكون اخضر .. لا يشوبه الا بياض الدعاء ..
يا من لا يضيع عنده الرجاء ... اغتثنى يا رحمن ..
وحدك تسمع .. ووحدك تبصر
فالحمدلك حتى ترضى
لا اله الا انت سبحانك انى كنت من الظالمين ..

كورال اليمام

عنقود النجمات تدلى من شرفات السماء ..

ايها الطفل المعمد بالرحيق مد يديك و تبتل ..

فانت فى محراب الامانى ... عصفور وحيد ...

هذى البنفسجة قد نذرت لعينيك دمعا ...

و صمت كورال اليمام

والشوق.. امتطى فرسه المجنح ... غازيا مدن الغيام ..

نار .. ونور .. شعر يتفتح فى مهد القرنقلات البيض

فترخى حوريات البحر جفونا تبوح

فيذوب الموج هوى و تثرثر الفراشات

****

هذا الولد .. نشيد .. هذا الولد ارض وسماء

هذا الولد سنة التغريد بعد اكتمال الفرض

فقرى عينا ايتها النجمة هناك ...

فيدك الخضراء قادت على درب الحنان

براح من بياض واوقدت فى ظلمة العاشقين ..

قنديلا يحلق ,,

****

فى محكمة الورد .. شوكة تبكى

فقد ابكاها الولد و شكى ..

فبكت لشكواه وجنات الفل الغافى

و اغمض التيوليب عيون البوح

و لم تحرك الوردات ساكنا

فبعضها الشاكى و بعضها المشكى ,

دمعات قمر ...

حين لا تكون انت السحاب ...
تغيب الشمس ...
و يحتضر الوتر ..
فلا الكلمات تورق
ولا يظلنى دفء الشجر ..

****
لماذا تصاحب الهديل ... سفر
و تؤاخى القناديل .. مطر ؟؟؟
و انا التى تذوب كدمعة ثلج ..
حين يدمعها قمر ...

****
يا ايها الريح ... المجنون
اجتاح الوقت
كى تثمر النجمات ... سهر ...

****
اه يا نبض الحنين كيف اخفيك عنه
و هو ف الغياب حاضر ...
و فى النسيم عبيرى
حين انتشر ..

للورد اجنحة ...

سرب حمام

و ..

حلمى الابيض و ....الابيض

لا يشوبه الا بعض الازرق

الكامن فى بحر هواك ..

تسكبه بريشتها نجمة مشتاقة ..

ترسل رسائلها المخملية للقمر المسافر كل مساء

حين ينبت للورد اجنحة .. فلا يتوانى عن التغريد

حينها .. تكون انت .. انا ..

ولكن ....

ترى ماذا يحدث لو جاوز الكمان حدود التوق فبكى ..

فناوشته الفراشة ورسمت على طرف القوس ..

قبلة ملونة

هل ارقص عندها على جسر الحنين

دون ايقاع النبض الذى يرواغنى ليتهجى حروفك ؟

ام اكتفى بانتظار ان يغادر قلبى كفك ... لكى .. اضع مكانه .. عمرى ؟؟؟

احترت معك يا .. انا ..

هل احبك لانى احبك وفقط ام احبك لانى احب ان احبك

و اذوب حين لا تنادينى ..

لانى اعلم ان قلبك مشغول بهدهدتى حين لا اسرع اليك

لانى هنا .. لاحلم بك ...

تدبيسة الاسرار الستة !!!

قلوب مقفولة ..

وقلوب مفتوحة ع البحرى ...

و قلوب مواربة ..

كل واحد فينا ينتمى لمجموعة من دول .....

لكن كل واحد وليه اسراره ....

و الكل مغرم بأنه يعمل سر حتى لو نونو

حتى الاطفال بيكون ليهم اسرار

احيانا عبيطة لكن بتاثر فيهم و ف حياتهم جدا

وبما ان الدكتور احمد صاحب مدونة وجه جديد

http://http://waghgadid.blogspot.com/
...

شرفنى بتمرير الواجب ده ليا ..

و انا طبعا فضلت رايحة جاية ...

اقول لنفسى تتصرف كيف يا عبرحيم ...

تتصرف كيف يا عبرحيم

و انت يا سموور اسرارك فى صندوق مقفول
اى نعم اتسرق !! لكن مفتاحه معايا ...

ايوووز كله الا المفتاح ...

وبما ان الهرب غير مباح ..

نتكلم بجد بقى

بوجه ارق التحايا و الشكر للدكتور احمد

صاحب مدونة وجه جديد الرائعة ..

و هابتدى بانى اقول قوانين الواجب

قوانين الواجب:
1. أذكر اسم من طلب منك حل هذا الواجب
2. أذكر القوانين المتعلقة بهذا الواجب
3. تحدث عن ستة أسرار قد لا يكتشفها من يقابلك للمرة الأولى.
.4. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
5. اترك تعليق في مدونة من حولت الواجب عليهم، ليعلموا عن هذا الواجب.

علم و ينفذ ... حاضر ...

الواجب بقى هو ايه :

س : أذكر 6 أسرار قد لا يكتشفها من يقابلك أول مرة ...

******

السر الاول

طفولة

ابدو لمن يرانى اول مرة .. عاقلة هادية

لكن ..

بداخلى طفلة تتوق لان تلهو و تلعب ..

تتوق لان (تضحك بصوت عالى ) زى ما بيقول منير

و لما تبكى ... ما حدش يسالها مالك و تبقى لازم تقول مبرر منطقى ...

حتى لو مبررها فى نظر العالم ( عبيط )

**

السر التانى

افتقدكم ...

ليهم .... وهم عارفين هم مين ...

محتاجة اقول لكو وحشتونى اوى .. بجد

وبس مش هقول كلام تانى ...

***

السر الثالت

خوف

خايفة اوى ... بس واثقة ف ربنا جدا ..

****

السر الرابع

صمت

كنت بفكر اقفل البلوج شوية ..

حاسة انى مش عارفه اكتب اى حاجة ...

*****

السر الخامس

بحـــر

نفسى اعيش جنب البحر .... فى مدينة هادية جدا ...

و نفسى بيتى يبقى جنبه حضانة ...

و اروح اشتغل فيها ..

******

السر السادس ...

سماح

لما يكون عاملة نفسى زعلانة من حد

حقيقى حقيقى جوة ف قلبى ببقى مسامحة

مش ضامنة ابدا انى لو استنيت وما سامحتش

افضل عايشة لغاية ما اسامحه ..

الاعمار بيد الله ..

هكذا هى اسرارى .. بسيطة .. تكاد تكون ساذجة ..

لان قلبى من النوع المفتوح

مش بعرف اخبى ...

نيجى لامتع جزء فى الموضوع

امرر الواجب الجميل للناس الحلوة اللى هقول اسمائهم

سارة ربيع .. نبضات

http://sararabie.blogspot.com/

بسنت

http://justlittleideas.blogspot.com/

تامر سليط - اوراق من عمرى

http://tamersilit1.blogspot.com/

اسامة يس - وميض

http://osamayassin.blogspot.com/

ابراهيم معايا ..انا و انا

http://anaweana.blogspot.com/