مســافات

مســـــــــــــــــــافة
ما بين تنهيدة و التانية

و بين دمعة و متشافة
مســـــــــــــــافة

و تكون فى الهوا شيخى

و اكون الاتباع

و تكون الرسالة سراب

خداع ف خداع ...
مســـــــــــــافة !!!
و اول سطرك
الاوجاع
و اخر سطرى فيه عمرى

و قلبك باع
مســـــــــــــــافة !!

و عيد من الاول

صورتك ليه بتتحول

سلامك ليه بيبقى وداع
مســــــــــــــــــافة !!

و فاصلة للدمعة

تنادى ؟ اصلى مش سامعة
مســـــــــــــافة!!
*****
مسافة وذكرى لحزن متجدد
و سكة يادوب بتتحدد
و متشافة
نهاية
اكيد للحيرة
واخر نقطة يا غيرة
و فنجان فاضى ...عرافة
بتوسع لى فى مسافة !!
--------
مسافة يا عمر يا عمرى
و ليه سبت القلم بدرى

و ليه ماشية على الاشواك
و كتبت النقطة اول سطر

و مليت الهامش

بدموع صبر و مســــــــــــــــافة

ما بين قلبى و بين قلبى
و بين العمر
************
وليه السطر بات فاضى

ومش راضى

يصالحنى

و مسافة وحايرة بين قلبى

و بين عمرى و بين البين

مش عادى بقى قاضى...

يحاكمنى

وانا اللى صمتى.. حاكمنى

وليه ترحالى بينادى

وانا الملاح

ومركب حزنى بتبحر

و انا بسهر

باوجاعى

واقول يا عين ما تنامى

وما تقدر

منا مجروح و متكسر

لكين بصبر

و اعيد السطر من تانى

و اطول فى مســــــــافاتى

و اعبر