براءة

وبمد الشوف المسلوب .. حد الانكسار

من ضمة تراب رافض يحتوى

المى و ضعفى و المرار

و الصوت المتهم بفعل الائتناس بالخلا

مش قادر يوصل رجفة القلب

للبدر الساكن ورا حجب الندم ..

( الله لا اله الا هو الحى القيوم )

وتظهر ف قلب الضلام طاقة ..ودرب .. وبراءة ..

من النسيان و القسوة ..

( من ذا الذى يشفع عنده الا باذنه )

و مين نبيك ...

محمد !!

و مين فى الكون يكون اسعد

لو بالوعد يتصبر ..

و ايه احلى و ايه اكبر

خلاص لا هتوه و لا اتعثر

يارب

ف قلب قلبى تتفرد سكة
و القى الخطاوى مسلوبة الادراك
يا من ترانا
ولا .... ( الا ب صدق الدمع ) نراك ..
ساجد حرفى ..
و خوفى
و الملاك
( صغير حضنها لكن يساع خوفى )
و تعب السنين .. انين اخرس
و يسندنى الدعا
واقوم
و ارفع عيون ..خجلانة من ضعفى ..
وتطبطب اياتك لو رددها اللسان
و القلب
و الرعشة
ووحدة
ف ليل ما لهش امان ..
يا منااااااااااان
يا صاحب الاكوان
ويقول الناس صحيح ( لمضة)
لكن قدام عملى و رحمتك
ساكتة !!
ولا يطاوعنى غير الدمع
اتوضى ...

قمرى

قمرى عزيز الضى بخلان على خله ..
تايهة فى بحر العشق ..و قلبى مين دله ..
ان كان كلامى غناوى مشبوكة بين حلمين

صمته شهور الامانى.. لما بقى يهلو!!!

كمان .. تراب

و ساعات بزهق !!!

لما الاقى قدامى نفس النجوم .. ببريق محروم

و نفس سطورى مكتوبة وقلمها هموم ...

و اجرى ..

بس السكة واخدها العند ..

بتكابر

والدمع حريق ..

ياااااااااااااه روحى مطفية ع الاخر

ومش عارفه المع حرفينى ..

ولا البسمة

ولا عارفة الملم حلمى من فوق شراع (مظلوم )

و الريح قوية اوى ...

بتصفر ..

بس الحياة ماشية على قضيبين ..

و اخر السكة البحر ..

ومش هشرب .. !!

عطشانة صحيح

ياااااااااااااااااه بتعب .!!!

غربة

الغربة غربة روح متمزعة ف حيرة

حايرة ما بين البين .. عطشانة و كسيرة ...

سايقة عليكو النبى ...

ما تجيبوا بقى السيرة

شوية تراب

مش وشى

******

ومش وشى ...

ده وش غريب

بملامح كابية مهدودة

عليها تراب ناااااااااااااااااااعم

متكفن بالكسرة..

ومش برجع ولا عاوز

ما دام التراب لسه مهوش فاكر !!

امان خايف

******

حتى انتى ..

مخبيكى الضباب عنى

وحتى الدمع تاه منى

و اتحبست ف العيون دمعة

و انا بضمك

ومش شايفة

ومش سامعة ..

ومش حـ ـ ا سـ ة

غريب

*****

وما تمدش ايديك للخوف

و تقطف ورد احزانه

و تجينى

مش قادر اكون لك طوف

تنجى انت ...

و تغرق فيا صرخة حق

ناسيين

******

كل يوم ...

احفر اساميكو على قلب القلب

و اخبى الجرح ..

و اتلفت

ماالاقيش غيرى !!

سما ... خضرة

******

و تزرع فى العيون فرحة

تطرح صبر

يا امبارح انا فاكرة..

شجر المر

ومش هقدر

اخطى لوحدى من غيره

دا انا طيره..

و هو الفجر ...

تراب مفزوع ..

*******

ولا صابر على الغربة

ولا ف عنيها عنوانه

و احضانه مخنوووووووووووووقة

و عطشان الحنين جواه

ومش قادر يتكلم ..

لغة التراب ... احزان

للسحابة موعد

للسحابة موعد تتأخر عليه دوما و تعتذربدهشة حينما تكتشف انها تبكى ...

فينكس البلبل رأسه ويمضى على درب اليمام وحيدا ..

فقد رحل اليمام منذ زمن تاركا اعشاشه ..

لكن اللؤلؤة التى سقطت فى بحر القواقع لازالت تحس بالغربة

رغم انها كانت له تنتمى فى زمن الفيروز المهاجر من البحر الى اللامكان .

ورغم يقينى يا زهرة التيوليب الغافية على غصن الشمس المزهر

انك من تجمع بيديها جدائل البنفسج لكى تقطر ... احساسا

ثم تعتقها فى قلب القمر الخجول لكى .. تسكر النجمات الولهى ..

انك دوما تحاولين الغياب و لكن بهائك يضوووووع ...

فتبتلى فى محرابنا و انشدى ما يجول بالقلب من ... الحان ...

فانا الصامتة الى ان يمل الدهر و انا المتوارية خلف الحجب

انوء بحمل القلب من اوجاع .

احاول احيانا ان افرد جناحا من فضة فيستحيل .. قبل الطيران سماء

و اصبح انا ياسمينة ذابلة على جيد حسناء تفر ..

فانفضى عن عيونك نجمات التعب ...

و اوقدى فى الليل الملول الف مصباح ... و شمعة وحيدة .. لى .,

بخاف

على ناصية الوجع الاخرس

واقف حلمى الخواف..

وايديا الساقعة المرعوشة

ممدودة ولا بتتشاف

زمن العطش فرع ...

وانا متمزع ...

والناس اصداف

صدقنى بخاف

تطلع اهه غضب عنى

يصدق ظنى

و الاقى الجار اللى ف ضلى

هو السياف ...

شايك برد!!!

شايك برد !!!

و انا استنيت ..

و فاتت ساعة و التانية

و الشوق سهران

و مش راضية

اسبق ع الحلم الاول

متونس بيا صحيح .. ؟

عارف

ان انا بحسك

رعشة دمعتك ... حسك ..

و عارفه انك هتتأخر

و انا هستنى .. مش هقدر

وتيجى و العتاب هايدوب

ولا تحاول ولا تفكر!!

صباح

حبيبى ياللى الندا
مايل علىضيك
صباح محبة وهنا
صباح جميل زيك

خلاص هنــَا

فى اول مفترق نفترق
لا تقوللى زمان
ولا كنا
قلبى و انا و الوقت
خلاص عليك هنَا

لما تفتكرنى

ولما تفتكرنى
حاول ترسم بسمة يادوب
واسكت ما تقولش دى كانت .
خلينى ف الذكرى ادوب

امواج السماء

رجلى ..
الارضى الصمت
النارى الرحيل
العادى فى كونه غير اعتيادى بالمرة ..
الغير موجود الا فى وجودى المنغلق عليه ...
غرد طويلا زاعما ان حصار الصمت ما هو
الا انعكاس لاَنه روح اختلطت ببعض العطر
الموشوم بالفراق ثم ... فرد الجناح الاخضر
تاركا علامة تعجب تطفو فوق بحر من زفرات ..
و
سكووووووون
لا ارغب فى ارتداءه حقا ..
لان الجو اليوم ..
خانق

شاردة انا فى فراغ اللا جرح
اتهجى حروف العمر المتبقى .. سفرا و هبوبا ..
قد لا اتوقف طويلا امام تمثالى المرجوم حتى .. الغناء
لكنى ازعم وبصدق انى اقدر على رسم ما نقص
من اللوحة المهجورة فى ظل الحجرة هناك ..

ماء .. و نار ... و ظل يحترق
و لا تفسير عندى ايها العابرون دون سلام
لكنه هو ... صاحب الجنون الممزوج برائحة النعناع ..
يدرك تماما كنه اللحظة و يحس ..( ووحده)
بلذعة الافتراق حين .. اطاطئ راسى .. شوقا ..
فيفيض .....
و تطير الف سنونوة فى سيمفونيه شجن موصول

عفوا .. !!
لم اقصد ان العابرين بمضارب قبيلة الجنون
هم غرباء فى زمن التغريبة الاولى بعد العشق ..
لكنهم دخلاء على عزف القرنفلات المزهوة
بالانتصار الناعم على برعم الانتظار
و شهود على انهمار النجمات التى خباتها
يد طفولتى هناك فوق خزانة ملابسى المنزوية

شهاب بذيل من ورقات الفل ...
يرسم فى سمائى قوسا للنصر / الهزيمة / الحضور / الغياب
حين ..
لا ابصر الاك رغم انك ومنذ زمن ...
اخترت الغياب النابض ... رحيل

ماذا يميز رحيلك عن رحيل الف قمر
حين تودعنى اذا كنت لم تنتبه الى انك تجرح
اغصان النرجس فى روحى المتعبة ..
و تسخر من وجع الغزالة حين يجرحها الشوك
ف تتلاشى ...
امواج السماء ...