الم وقلم

المى وصف الورق

محتار معاه قلمى

ف يوم يعز الخل

و يفيض ساعات ندمى

و يضل منى الطريق يا صديق

وما تلقى خطاك قدمى ...

سرحانة يا حروف كلمتى
معجونة بالقهرة ..
طارحة يا غنوتى
باقية غصون شجرة

كلمتين


كلمتين او حتى تقليد غنوتين


و كله يبقى شاعر


و لا معنى و لا مشاعر


و فرحانين بالشخبطة على السطور

صحيح يا صاحبى
مش كل ضلمة اخرها نوووور

دبل المداد




وليه دبل المداد فوق غصن الشجر بدرى

و ليه اسودت سما

ما نور حضنها بدرى

و ليه اقول الكلام مفروط كما دمعى

ينعينى توب الموت ... ولبسته من بدرى

كلام ف الحب









احكيلك عن الاشواق ؟




ولا الحب لقا و فراق




ولا لحظة بتدمع




وتبلع دمعك الحراق




احكيلك عن الدنيا




ولا احكى عن العشاق ؟








*****




اعيش مظلوم .. اعيش محروم ..مش فارقه




لكن لازم اكون صادقة




من غير الحب ما بكونشى




و مش قادرة ما احلمشى




بموج رقة




على طرفه مركبتى




ومين للحب قال لأ؟




****




واحبك لما توحشنى ...




واحبك لو تكون غضبان




و رغم ده كله تندهنى




و احبك لما اقولها حنان




و احبك ليا بر امان




و احبك شوق بيسبقنى




****




احبك بجد ..




ولا عمرى اقولها لحد




ان الحكاية مش ورود




و كلمتين ود و صدود




الحكاية انك انت




انت بس معنى ووجود !!!




****




شباك

شباك مفتوح على جروحى
و باينة اهى طراطيف روحى
و عيونى المليانة بدمعة
و الدنيا فى حالها و مش سامعة
و لا دارية بالمى ولا بنوحى

لما الندا شق الضباب








و يشدنى الترتيل ..


اميل


و العتمة تهرب .. تختفى


و اشد حيلى و اقول اقوم


كفاياك بقى يا عمر صوم


افرح بخطوة ... و انكفى


و ارجع اجفف ضحكتى


ف ورق الكتاب


والقى اسمى فى صفحتى اخدوه غياب ..


و احاول ابقى


و اقولها لأة


مركب امل مجداف سراب


حوا دى م الاحتواء؟


ولا بحثك عنها داء ؟


ما بقاش خلاص خل ووفى


ولا كائن من ضياء


بيحابى ع العمر الغريب


و يداوى زمى لو صعيب


و تبقى الفرحة ممكنة ...


بقايا بصة ع البيبان


و كل سر ف لحظة بان


لما الندا شق الضباب ...

على حرف ايامك

على حرف ايامك
واقف وحيد يا خال
و الغربة قدامك
و الهم ماله اتشال
و الحرف من وجعه
طول عمره شاف اهوال
رافض يكون صرختك
محبوس فى انغامك

صراط الاغنيات- رماديات

الرمادى هو الصدق المجرد من اردية النفاق المقصبة فى مواسم الاعياد وهو الورقة الوحيدة الباقية فى روزنامة الصبر المنفلت من بين اصابع العمر الباقى بلا حرك رغم ان المتاريس انهارت بفعل المطر الدؤوب .. وهو طرفة العين التى سبقت تجلى العرش الذى نكر ... و اعتراف من لا يقدر بعلم من اؤتى العلم ... و كلمة لم تات بعدها كلمة ... و الرمادى لقاء بغير ميعاد عند منتصف الجسر المعلق فوق هاوية النسيان و مصافحة بغير اصابع و حوار بلا حروف .. ثم
فراق ... بغير فراق ..
و كل شئ بلا نفسه .. رهين وحدته ... و صبره
و انتظار لحظة ميلاد/ موت/ ثورة /انكسار ...
و السحابة لم تمر اليوم
و لم تمطر
و لم يخضر العود تحت رماد الامنيات لانه .. لم يتكلم .. الا همسا و لم يسمعه العابرون على صراط الاغنيات

بلا عنوان - رماديات










الرمادى هو انهمار الثلج شلالا من ياس يحول بينى و بينى
اذا الاجنحة تكسرت عند مغيب العصفور الازرق بين سطورى
و بحورى المشطورة بعصا موسى الداعى الى رب هو اعلم بالنوايا
و اعلم ببدن فرعون النازف ندم
عن شاطئ لم يعد شطا ..
و رحيل جدلته الايام فى شعرى فاصبح عنوانا
لمن لا عنوان لها الا اسم قد ينساه الناس بفعل الملل حيت يتثائبون مع فنجان القهوة المسكوب فى عصر لا يحمل منى الا بقايا ذكريات
و سؤال اين انت يا من لم تكونى الا انت و لم نكن الا غرباء ؟



و جدل يرتفع صوته الاخرس فى بهو بارد نسيت على ارضه دمعة
و بعض اوراق مزقتها ذات ثورة حين
لم تاتينى اى اجابة على سؤالى المتفرد بالوحدة اللا منتهية
و الرمادى تذكرة سفر الى لا مكان مع ... لا احد
و الرمادى بيت مهجور لا اسكنه
لكنه يسكننى و منى يسرقنى
و اظل اتارجح بين ذهاب و .. ذهاب

هاجس الرمل





* النصوص كانت تفاعل مع صديقتى الغالية الاديبة شريفة العلوى ..
يا اهل الحرف جئتكم اليوم مدافعة عن حبه رمل تكتوى بقيظ الهجر و الاتهام صفراء هى كذهبكم ... و شمسكم و و ... غيرة الاحباب الغياب هاجس يسكنها .. فتطير لا ثبات لها فهى فى رحلتها قد تفجر الدمع فى عين فتسارع ربته على الكتف لانهاء خصام .. او تفجر الماء ينبوعا عند قدمى او ... تاتى بالموجة الشاردة لتمتزج معها فى رحلة الى مصاعد الطين .. الطين .. هذا الطيب الامين .. يحتض الكل ولا يبالى .. بغضبى .. بالمى بانفعالى هو الثابت و هو الموجود الاول و هو الكامن بصبر و هو المنتظر العمر .. وهو المحمول على اكف الريح خيرا و هو الضام للمفقود حزنا وهو اللعبة و اللاعب و الشكل و المتشكل ودعينى يا صديقة الروح اخبرك انى وجدت فى الهبوط الم و مشقة حين شدتنى رائحة الطين الى اعلى مراحل الوهب و المنح و الاثراء بينما شدتنى الرمال المنحدرة الى داخلى ... حيث تكونت ساعة
رميلة تحسب كل مواقيتى الا ميقات الصبر
****
صديقة الروح .. نورانية التكوين .. اغلقى عيون القلب برهة و افتحى لى بابا من سماح غلفينى بشالك الوردى كى تزيحى عن عينى دمعة و تعال نمشى على جانب طريق الحرف ترافقنا حبة رمل ... عصية على التحول و التبدل لكنها .. حين تنصهر .. يصير دمعها كريستالة تبرق .. وتجمع بين احضانها الوان الكون و تشكلها لحظة من سعادة
لا ادرى لم يرتبط فى ذهنى الكريستال بالسعادة .. و من ثم تصير حبه الرمل الفاعل الاصلى
صاحب الفضل فى سيمفونية الالوان .. حبة الرمل هذه يا جوهرتى... هى المستمع الامين لاشعار من عبروا الفيافى و حدوا القوافل لقرون مضت و هى للان تردد انغامهم حينما يسدل الليل ثوب
النجوم .. و هى من تلقت قطرات دماء الشهيد ... فاحتضنت و هدهدت راسه المرفوع .. موتا ..
و هى التى امتزجت مع حبات العرق على جبين يصطلى بشعاع الشمس المغرور .. الشمس و الرمال ..
و الصبر .. منظومة عطر
ترى هل طالت رحلتنا .... فنعود؟

ايام






يوم اخر .. من ايامك الخريفية ... الغير معلومة اللون و الطعم و التكوين .. السريالية النداء .. الخرساء الاحتجاج .. المترددة بين الانفلات من بين براثن الشجن النارى الاجنحة ... الذى لا يصده حائط السحر الخابى البريق و المتحول الى اداة ساذجة يلهو بها الاطفال فى ملاعب الاحداث ... يوم اخر و انت تمد اصابع الاسئلة لتعبث فى انتفاضة الجرح الصارخ .. صمتا الملتهب انينا الكامن فى اقصى المغارة العلوية من جبل الصبر المنهار بفعل اهتزازات الكرة الارضية التى لم تكن ابدا لنا صديقة ..و لم تستمع الا لتاوهات النجمة الماسية الملتفة حول اصبع الوقتالمشير الى ركن الغرفة حين الذكريات تتوارى بخجل .. لانها لم تعد تفهم جدوى انهمار الدمع على خد الثلج المستلقى فى طرقات العمر ... و يحتلنى يقين سفاح ان الوردة ليست هنا لتبقى .. فما خلق الانسان ليرتاح لكن وجهها الطفل يسعى الى فى ظلمة القهر ... تبتسم


فيغار القمر المطرود وراء ستائر الغرفة .. و يرتجف قلبى






***********




يوم يتساقط من سلة ذاكرتك المتخمة بالقصاصات الغير مكتملة .. تسقط معه كلماتى و خاتمى المشغول كاسطورة هندية ... و تمثال احتفظت به انا على طاولة ليست لنا .. لكنه وقع انكسر ..!يوم كنت ادخره لساعة صفا لكى اخرجه من خزانة الفرح المختزل فى كلمات .. لكنه حين سقط من سلتك لوثه غبار الغياب و دنسته اقدام العابرين سلتك كانت و مازالت تعايرنى بتخمتها المزعومة و عزوفها عن الاحتفاظ بكل ثمين لانها دوما تركض على طريق غير مرصوف




****************


يوم من ايامك اللؤلؤية .. ذات الشرائط المنسابة على كتف الوقت ..


احاورنى و اربت على كفى الممدود فى اتجاه الفراغ ..


و الملم ما تشتت من ضوء البنفسجة على جناح العصفور الملتاع


حين وجد ان الشباك كالعادة .. مقفل


يوم بلا نوم و لا صحو ولا عتاب لكن يبقى فى روزنامة العمر .. يوم




*************


هو يوم .. من ترانيم الليل و دمعات النهار ..


موصول بالفرحة .. مجبول على الفرار


عندما تنبثق من فورة النجمات سوسنة تطير


تقبل السحب انامل الاشجار ..


هو ويوم من حريق يتبعه بريق اذا ما غرد عصفور


و رف و طار ...


هو جديلة بشريطة حمراء تلهو بسرد الحكايات و كشف الاسرار

فرار













و افر منك اليك



وكانى استغفار يونس



فى قلب بلا الوان ...



مجروح يا نهر الرمان

شبك



شبك شبك

طار طير ثم ارتبك

سقط ومات . صار ريشا

فى القبعات انشبك

موجز لاهم انبائى






-1-



عيون تتحاور تسال ... و تحتار



تثور .. تغار



و يمضى اليوم بين نور و نار



لكنى فى المساء



لا ارتاح الا ...بين جفنيك
-2-



هدنة مؤقته






بين شوقك و خجلى






طفلة تلهو على شاطئ صبرك






وهمسات مرتعشة اخبئها فى صدرك






و عمرى ذاب ..






وكانى صرت يوما فى عمرك
-3-



تظللنا الاغنيات






و نقتات شعرا و حبا






و نذوب فى الكلمات






و نلهو بالابيات






فترفعنا كارجوحة






و تكسرنا الاهات






ويدمى جرحنا فلا يداوينا



الا ...الكلمات
-4-



كل مساء تشتاق اصابعى و جدائلى






كل مساء على صوتك يتكئ راسى المتعب






ويهدل قلبى احبك ...






لكن اصابعى تأبى ان تستسلم لدفئك






و كانها ترجو المزيد ..






تتردد اصابعك ان تقول اشتاق






فلا ترضى اصابعى بالفراق
-5-
تقول احبك






فتعود طيورى المهاجرة






و بين اشجار الفرح تبنى اعشاشها






و تنقشع سحابات الكدر وانتظر






ليتك حبيبى تظل العمر تقولها
-6-
تتلكأ اشرعى حزنى فى مغادرة الميناء






و تمتلئ سمائى سحبا






يرفرف طير حنانك عائدا






فتشرق من جديد شمسى
-7-



موجز لاهم الاشياء






موجز لحياتى .. معك



فلا حياة الا ... انت

ذات اسى

ذات اسى .. مضيت الى هناك
غير انى لا اعلم حقا ماذا انتظر من دوامات الصبر البعيدة
و نداء البلابل المنتحرة من وشوشات الالم
ووضعت جوهرتى بين قوسين
ينحنيان فوق سطر يميل
وانتظرت احتراق الحرف فى مبخرة الوداد
تلوت المعوذتين
تمتمت بذكر الله عازمة وأد الشمس على مرمى انينى
وقلبت وجهى فى السماء
غير ان قبلتى لاحت على البعد باكية
صمت على صمت
و الاشهر الناعمة اوشكت على الاكتمال
غير ان الانكسار كان مقدمة التلاشى
و القتل المباح عجل بالفرار
اه يا نواح الورد على كتف الشجن
لو تصمت قليلا
راسى تسكنه العصافير
و رفيف الاجنحة يذكرنى بزمن الفراشات المجنونة
المتصاعدة كعزف كمان ملتاع
هذه الطفلة ترغب ببعض الحلوى
ولا ينبت على الشجر الا الاشواك
ارحلى يا صغيرتى نحو الاماكن
نحو موج السحاب الساكن فى فضاء الانتهاء
و اجلسى فوق عرش البنفسج .. وحدك
فى قلبى لا نغمات ..غير ضحكتك الفضية
و لا سلام الا فى عيون تدمع
و ابتهجى .. رغم ان النجوم سكتت عن الكلام
و دندنى لحن الذكريات
واقبضى بيدك الصغيرة على جمر الحنين
و اياك ان تفرطى
فالسير فى درب اليمام .. مغامرة كبرى
لا يدركها الا من امتطى الريح
نحو ينابيع الفرح
وانا يا صغيرتى مجرد هاوية للترحال
تطوينى همسات الشجر

احتللك باختيارك



بيان هام يصدره قلبى

اسمى ؟؟

لا يهم ان كنت عائشة ... نبيلة .. نجوى .. ام جميلة

لا يهم ان ناديتنى باسمى او باسم من اختيارك

لا يهم ان كنت فى العشرين .. فى الثلاثين

ام امضيت اعوامى المائة فى غرامك

لا يهم ان كنت نجلاء .. سمراء ..شقراء

لو كنت لوحة زينتها الوانك

اعلن اليوم احتلالك

لا تندهش ... نعم احتل احلامك .. كلماتك ... ايامك

احتل افكارك ... كتبك ... انغامك

لم اسع الى احتلالك

او زرع راياتى فوق جبال عنادك

لكنى خضت حروبا مع صمتك ... غضبك ..إعراضك

مع انسحابك من امامى تاركا دمعى وراءك

مع عشقك لاغاظتى

وبدون اعتذار تجعلنى اقبل كلمات اعتذارك

لا تعاملنى كسلطة احتلال

فانا فقط خلقت لاسعادك

وكاى (محتل) اسعى لاعلان شرعية حكمى

واتمنى اقناعك
الا تغضب من ثورتى لهفتى ..غيرتى

الا تتمرد على قلقى على صبرى فى انتظارك

ارجوك لا تعلن امتناعك عن التصويت

فى انتخابات الهوى
والا تزرع الاعتراض فى لافتاتك

بل قلها وبصدق
انى احتللك باختيارك !!

قناديل البوح و الروح


اسرج قناديل روحك و ترنم باغنيتى

اسدل ستارات الحلم على جبين اليوم الذاهب

تنفس عشقى واسبح فى بحر التمنى

و ابحث ..ابحث عنى فى ربته القمر السهران

و هذا الناى النشوان
و عطرى و ثوبى الملقى فى احضان الذكرى

و امضِى .. بين شكك انى الانثى الوحيدة

و انى ....لعالم الالق انتمى

دعنى اعمدك .. بالعشق الابدى

و اطعمك السكر بيد حنانى

و ارحل فى عينيك بين شوقى ..وامانى

واذوووب فى تنهيدة ... و لكنى

يا بعض قلبى لا يبوح لسانى
****
اذبلت تلك الوردة بقلبك ؟؟
ام ان بها بعض بقايا نيرانى ...؟
اتشتاق ؟؟
ام تلوت تعاويذ الفراق
ومضيت و محوت من الروح عنوانى ...
****
احبك
يا انفاس البنفسج
يا غصن الفرح النابت
بين حبى ...و زمانى




صاحب الجلاله حبيبى




صاحب الجلالة و السمو




المتحكم فى حلاوة الجو




باشارة




ومافيش ع الحب امارة




تسمح لى اعبر عن حبى




و اقولك كل اللى ف قلبى




ولا تفضل انى اخبى؟




او اعمل نفسى محتارة ؟




صاحب الجلالة حبيبى




بيقوللى اوعاك تغيبى




و انا اقوله جنبك يا نصيبى




ولابتهمنى اى عبارة




صاحب الجلالة بيؤمر




و انا بعرف عن حبى اعبر




ولا يمكن اابدا اتصور




ارخى ما بينى وبينه ستارة




صاحب الجلالة حياتى




افضل انادى و افضل اهاتى




ولا عمره ابدا بيعبر




ولا عمرها غمزت سنارة !!!




صاحب الجلالة و الاحترام




عيونى مش عارفه تنام




بطل تتقل يا غرام




ولا فاكرها يا عم شطارة ؟؟




صاحب الجلالة يا عمرى




مش عارفه ايه اخرة صبرى




بيقولوا مش دارى بامرى




و امواجه جدا غدارة !!!

ام السنين

دقوا طبول الذكر
وسط حارات الانين
علوا صوت المنشدين
و دوروا لفوا بالصاجات
على بيوت الاوليا
..ابكوا ع اللى مات بلاش
فاتوا الضيا
و قولو ماتت قولوا عايشة
ضاع زمان المعجزات
و الانبيا
دقوا طبول الحرب
اتغربوا ساعات فى القرب
وقولوا اشعار مبكيه
لازم فى يوم راح ينجلى
بدر احلامها الفتى
لازم ف يوم ترجع (هيَ)
ام الغلابة الشقيانين
ام السنين الدفيانين
هى الشموخ هى الضيا ....

نجمة ف السما

انا اللى مال حاله
وهو يبنيكى
وانتى اللى باقياله
وليه ما يكفيكى
وليه عيونك للغريب ترحل
و ليه تسكتى ديما
لما انا بسال
و ليه دمعى يسيل
وليه الفرح يتمهل
وليه ياغالية
العمربالمرار.. مختوم
وليه رغم شوقى لحضنك
القا الفراق ...محتوم
واعدى ميت الف قنا
و يفضل قلبى هنا
واقول يا رجوع
قوام .. شهل
دا انا اللى منقوش على جبينه
انتى ليه الحياة
و صبره بيزينه
وهمك رحى بتدور
امتى يعود مجبور
وتتعدل ... للعدل موازينه
لو تعرفى
موالى
مجروحة اهاته
و انتى سبب بلوته
وانتى ميه محاياته
و انتى ليه الامل
ف الدنيا يا دنيا
انتى مناباته
وليه ع الاصيل تقسى
والغريب تبقى
انتى مرساته
وليه طريد حنانك بتنسى
وانتى جوه القلب مأساته
برا اسوارك فنارك ..يبرق
امتى الوعد يا زمان يصدق
امتى الاقى الخطوة
تدب فدروبك
وامتى يعود الفرح
كردان على توبك
يومها
وحق من خلاكى اغلى غالية
وخلاكى نجمة فى السما و عالية
لو طلبتى الروح
عمرى ما اقول .. غالية ...

اااااااااااااااااه

ااااااااااااه ..
ع الضلمة اللى سارحة
و العيون تمللى جارحة
اخبى فين الالم و الاه
دبحوا اليمامة
و العطف فين تلقاه
ما يحس قلبى العليل
الا اللى سمع شكواه
اصل الخرس سجنى
و الجرح كيف انساه
يارب و ف وحدتى
ما بقوش الا الاه
سكين و راشق فى الحشا
و الرحمة هى دواه
ما بلاقى غير غدرهم
ظلمهم
وتاريخ طويل فاكراه
يا صبر صبرتك بصبرى
و غزلت الدموع بالاه
كل بيا الصبر
قال عليل يا طول شكواه
وفين الاقى طبيبه
و ايه سبب بلواه
قالو قلب اخضر
وزهر هجره نداه
و قمرايه مسافرة
تسمع انين نجواه
على البيبان دمعه يخبط
و مين سمع لنداه

عصفور



عصفور وطاير

و السما الوان

حبة يشيله الهوا

حبه يقع زعلان

وكان ع القلب حارس

وكان بالهوا نشوان

وقالوا ايش تملك

يا صاحب الجناح و الريش

وليه يا دى الضعيف

طامع ما بيننا تعيش

لا تغنى على غصننا

ولا يوم تكون مننا

و نغلب فيك ظننا

و الوعد ..ما نوفيش

يا مين فى ايده

يسعد العصفور

و يفتح ما بين السحب

للقلب طاقة نور

ومين بايده يداوى

اللى صبح مكسور

عصفور وواقع فى الشبك

بعد ما ظن الشيطان ... ملك

واتقص ريشه و عيشه

كان بايد سجان

يا غفلة العصفور

ما دريش ان قلبهم

بالضلام مليان

و بعد ما كان فاكر انه َملك ..َهلك



ندى صبحك




بلا صارى
بلا ملاح
وبغير ضياء يرشدنى
ابحر فى متاهاتى
ولا يصاحبنى
سوى صمتك ...



طفلة تقطف
ندى صبحك
تغفو بين اهدابك
يغطيها سنا دمعك

تلهو بين اوراقك
يهديها حنان الحرف
يحيرها
تغض الطرف
يسامرها
فيصير العرف
جنونا انت مذكيه
تناديه
قلب مولاه
وتسلاه
فيضنيه
عشق انت تنساه
يسامر بالحنين هواك
تراوده
وغير الحلم لايملك
تراوغه
بالف سؤال
وهناء العاشق لايعدو
محض خيال
وحرف فى دفاه يأسره
اذا هو قال
و الصمت سلام لا يذبح
سوى الامال
و الام البعد يا حامل
عصا الترحال
ما بين الحاء
و بين الباء
الف سؤال ...

جدار و اغنية ...

على جدار الزمن الاصفر
علقت لوحتى الناقصة
و مضيت .....
******
يا ظلى لا تنظر خلفك
فقد نبتت اجنحة العبير فتحول الى .... غمامة
فبرق التمنى فى سماء التجنى و اضحيت يمامة
لكن عشى سافر و لم ينبت زهر البرتقال
هناك حيث تشرد عيون ابى ..
و يمتد كفه فيطمئن عناء الروح المستند على جدار
القلب الواهن فيتنفس الفجر هناك..
و يغمض الليل عيونه ...
فتجمح ريشتى ..
و يعلو صهيل الحرف فاخمده بدمعة ...
فيفر ويتدلى من شرفة البنفسج ..
حلمى الحزين ليخاطب داليه العمر الذابلة ...
فتخفض راسها المتعب و تئن
فيرتعش قوس الكمان ويردد: احتاجك ...
فلا يرد الصدى ...
***************
من لوحتى الناقصة سقطت وردة
تبعتها بضعة قطرات من حنين
****
على مشجب وحيد هناك
اعلق حلمى ومعه بضع وريقات
منقوش عليها اسمى .. تاريخى
و يظلنى الليل بخيمته
فاجدنى فى الصحراء
بلا اغنية ...

صباحك فرح

صباحك فرح
ايها السائر على شاطئ النبضات
تهمس للموج فيغرد الطير فى احضان سحاباتى
عذرا لن اتى
و ساخلف موعدى
فانا اليوم مشغولة بك انت
فانت جل اهتماماتى

رقصة فالس- رماديات

الرمادى ثمرة تتخفى فى لون مغاير
لتفر من عصفور اضناه البحث عن
لون لروحه المسروقة من عقارب الزمن ..
و انكسار الفاصل المبهم الحدود بين شكى و ارتجاف
اصابعى حين اعانق حرفا غير معروف الاتجاه
يعتقله الوجل و يناديه الريح ليحلق ..
تاركا فراغا ممتلئا فى عقلى الصامد امام
اغراء تلوين الصفحة بعلامة استفهام واحدة؟
الرمادى هو غبار السنوات على مفرق السطر
المنزوى فى مفكرتى الخضراء القابعة خلف ستار
النسيان المفتعل و مراوغة الحلم الهارب
و الرمادى شرطى المنع المقهور عند حواف اللام
المعقوف كمخلب و الالف الذى فقد صفة الاستقامة
منذ زمن ..
الرمادى هو الغوص فى بحر الالم الذى فقد قاعه
فى دوامات الانكسار و التردد ترنيمة
غير مكتملة البهاء ولا الظلام .
و الرمادى هو رقصة فالس
يؤديها راقص كسيح عند مفتر ق الطرق
و هو غير عابئ ان الكمان الوحيد
مشروخ الصوت

اخر نقطة ضى

اخر نقطة ضى
هناك
على مدد الشوف
قلبى خلاص
ما بقاش ملهوف
زى ما كون واقفه فى طابور العيش
و الرغيف عمره ماهو جى
حى ..على الرحيل
يا ليل طويل
قمره راح
ومالهش زى
***
(هرحل ماجيش )

سرسوب حنين بيشدنى
اعطش وادوب لكنى
ارجع انتهى
واقول هاتوب
وويا لحظة للغروب
القى القلوب
(بعيدة عنى كلها)

وكأنى نخلة فى الصمود
بياكلها دود
وواقفة جامدة
و ليه النهارده
بقى ليها صوت
هسكت .. هموت
و لا عمرى حتى هنتفض
هبتعد
بس فى سكوت
زى اخر نقطة من ضيا
خانقه الغيام
واقول سلام
على كل لحظة للفرح


وعيون حبيبى
و البكا
بيحوش ضياه
مين التقاه ..؟
مرة فايت من هنا
يمكن انا
كنت السبب
كنت الوجع
كنت الحياة
كنت النجاه
وكنت اخر طير مهاجر فى السما
اه يا انا
يا ضايعة بين الاه و اه
يا ضايعة بين حضن النحيب
و الهمهمة
يا ضايعة بين حرفى و صمتى ..و الضنا
وزارعة حبك سوسنه
طرحت ليه صبر ومرار
دابحنى صمت الانكسار
والانتظار
ما صبحش حالة ممكنة

وكلمة انا
وكلمة هنا
وكلمة ياريت
يا للى قلبه كان براح
و كان هنا
و كانلى بيت
خلاص نسيت ؟

يا قلبى ما تسكت بقى !!!

جمرة

جمرة وحيدة تخبو
بكفى
و الحريق صديق تنصهر فيه دمعاتى الخائفة
فاقف ولو للمرة الاخيرة
و انادى من لا يسمع
و افرش الممر المسكون بالاوهام بخطاى المترددة
و الم شباك العمر المتهتكة لاضعها
فى ركن الانتظار ...
خطواتى لا وقع لها و لا اثر فالرمال كاذبة و الريح لعوب تغير كل الامكان
و لا اثر الا للاستسلام

وردة و الف قمر

اجمع من قلب الوردة
الف قمر
و ارسم على قنطرة الوقت
وجها يبتسم
وجها ينتظر
لاشئ فى براح الصبر
يمكنه ان ينكسر
شباك الياسمين حنين ..
و النحلات طنين ....
يسيل الشهد من اكمام الفل الغافى ...
تنتظم الموجات قوافى ...
و يظل البلبل يشرب
من نبع الصدق الشافى
يا لون الشفق الحائر
بين الجفن وبين جناح شفاف ..
انضم لسرب الاوصاف
و تمهلى يا يمامة الفرح
و لا تخافى

بلقيس تنتظر


آيتك الا تكلم النساء .. دهرا
و تمضى وحيدا غريبا
ترسل الف كتاب ...
بلا جواب ..
وتسير الف طريق ...
بلا اياب..
ويصبح فرحك ..
هدهد غاب
تتلوها صلاة ..
وقبل ان يرتد اليك طرفك
تاتيك على جناح الشوق
تدمع عينك ...
تطل ..
صرحها ممرد من قوارير...
تفيض دموعك
تكشف عن ساقيها ..
تغض البصر
و يديم القلب النظر
نكر لها عرشها ...
وادعى ان هناك اخرى ..
قص على مسامعها
قصصا تترى ...
وانظر اتراها تفتيك؟؟
ايكون بعدك ذنب
او هو عنادك يشقيك
هديتها حنان لا يرد...
والملوك اذا دخلوا قرية افسدوها ..
فلا ترد الهدية ..
اعطها تبادلك العطية ..
ولا تتردد
قبلك حاول الفرسان
لكنهم بالزهو اضاعوها

عزف على وتر الوطن

ازرعونى فى الجبل شجر المودة ..
و اغزلوا بالورد جلبابا و برده
ولا تدعونى فى هوا ها معذبا
لفتنة التكفير عرضة
ارتقى درج دمعى صامتا
الا من وجيب القلب ينادى
هذا اخى طيف بعيد ...
اصبح من ضمن الاعادى ...
اى دار تضمنا و اى نادى
ولم لا يجيب اذا انادى
...
فى محراب حبك
اسجد و اقترب
و عن حزنى
يا فنديل فرحى اغترب
و اناجيك فى حلكة ليل السهاد ترنمى
فيضمنى ظلك من قيظ اللهب
..
اذا مت انثرونى ترابا يطير
يقبل ايادى حقول الحرير
يغنى بلادى عصفور صغير
خلف ضلوعى قلبى اسير ..
***
اينى اينى
ايها المحروم منى
اه من زهر التجنى
و الظلام اذ قتلنى
يا بلادى ..
موطنى ... طهر يغنى ..
وطنى يسافر فى الدجى
وحيدا يغنى
اين الامانى و الرجى
ولم التجنى
قاتلى ليس العدا
بل كان ابنى
يا لعصفور الكنارى
باب دارى
صوت امى ...
يا لزهرات القرنفل
اذا تفارق الوريد
ويعود يبكى
جرح قلبى من جديد

انا وهواك






(انا وهواك )
فى موجة بحرك العالى
بيحلالى
ساعات اسهر
مراكب عايمة فى ليالى
(انا عاشق )
تقولهالى
كلامك فى الودان يسحر
ساعات يأسر
ضى الشمس فى عيونى
يدوب كونى
بيبقى كله هو انت ...
وتندهلى
تكون اهلى
وصاحبى و كل ما ليا
وساعات غيرتى
ساعات حيرتى
بتزرع الالم جواك
وانا وهواك
ولحظة يتملى قلبى
سنابل شوق
ولما تروق
ترجعلى ..
وتحصدها ندا ودموع
تقيدها شموع
لاحلامنا
تعاتبنى
ويغلبنى
نبض القلب واهاته
د انا حياته
واوجاعه
وقلبى عمره ما باعه
و ليه راضى تزعلنى
وتزرع للقلق بستان
يا دار وامان
بيساعنى
بيجرحنى
تبعد ليه عينك عنى
و تلاحق نظرة و التانية
ليه التانية
بتاخد منى تفكيرك
وتفسيرك
للامور حيران
يا غصن حنان
بيميل
يغطينى
يكفينى ...
تكون جنبى
وانا وياك

صفحة و اتقلبت

اكتبنى صفحة واتقلبت
وايام شوق واتغلبت
بحصار وظنون
و اكتبنى حنين لزمن ماضى
زمن كداب ومش راضى
يبقى حنون
واكتبنى سكون
عشش جوه تكوينى
ونار فى القلب تكوينى
وشوق مسجون
ويبقى جنون
لو استسلم
وابكى لما اتالم
وعذابى يهون ...
دنا عصفور
على كفك بنى عشه
و كان قشه
حروف و دموع
بيكتبها قليب موجوع ...
و ليه غشك
جمال صوته
و رفرفته
ساعة موته
وكان فاكرك
دفا وامان

خسارة

خسارة يا دى القمر
كنت مفكرك تقدر
تحلى ضلام الليالى و ف فرحتى تفكر
طلعت و لا انتا هنا
وانانى مش اكتر
!!!!

ابكى



و ابكى

كان السؤال ..زى الجبال

و البسمة عايزة تودعك

اصل الجمال هو الخيال

بس الحقيقه بتِفزعك

مجروح يا صوت مدفون فى صمت

مغرور يا كبت

ولا حد يقدر يخضعك

اهة ودموع

امتى الرجوع

ولاسكة راضية توصلك

عايز تكون؟؟

طب ليه تهون

واخر لحن يخدعك

لو يزرعك شجر الحنين

الغدر يجىو يقلعك

اروح لمين

فاتت سنين

وانا قاعدة ساكتة بسمعك

زمنك ضنين

يا فرح لسه بندهك

هى السنين

جرح وانين

و عيون تمللى تدمعك

حيرة و ساكنة ف الجفون

وليه اكون

ضل ماشى يتبعك

ومنبعك

مهوش حنون

بحبه ليك بيمزعك

وبودعك

لانى عمرى ما هانفعك

خلاص بدوب حسرة وشجن

وهو ده زمن المحن

اقرب قريب بيقطعك

بين حُبه ليك

وشوق ماليك

وبيمنعك انك تخون

قلب وحنون

كف بحنانه صبرك ..

وخيرك

مابين اساه وبين هواه

وانين دموعه مررك

ما اتعسك

يا للىأنت كاتم صوت بكاك

وبكره خايف يخسرك

ما اصبرك

على الحياة

وكل اللى فيها .. حسرك…

سجن الحروف

سجن حروفنا جوه الخوف
و الحلم عليه بنتعكز
و نتسند و نتدارى من الايام
و بنعجز
ولا بنعرف ايه الاوهام
و ايه الحق و المركز
لدايرة اهى بتتشابك
مع دايرة و تتعقد
وسطر يادوب بيتكمل
و نتحمل
و نمشى ع الطريق
و الضيق
بيحول ايام الحنين مرسى
لفجر يقوم يادوب لسه
من نومه و يتعزز
و نطلب انه يرحمنا ويتلذذ
بكلمة لأ
ويقولها
و تبقى نهاية للقصة
ونستنى
سكة المشاوير
ماهيش راجعة
صحيح دمعة
تناوشنا وننساها ..
تعيشنا لحظة صدق تتاخر
اكيد اخر كلامى يكون
عن الفرحة
تداوى اثار قلوب جارحة
عدَتنى و عَدتنى
من الماضى و مش فاضى....
اعاتبها
و اقول للقلب ما تسيبها
تتشطر
و هتكسر
صحيح لو يوم اسيب روحى ...
تصاحبها .

شعلة جنون

شعلة جنون
شايلها طفل برئ شقى
مع الزهور بيلتقى
يرمى السلام
و نقول فنون
انه يحافظ على الغيام
مليان هيام
و يوشوش النجم البعيد
ويقول كلام
يكتب بموجة من بحور
حبه سطور جواها نور
و جرح خاصم الالتئام
يقعد هناك تحت المطر
يغنى غنوة للخطر
ويكتب اسمه ع الشجر
عاشق صبابة و الربابة
صاحبته ساعة سفر
لما يلاقى الكون يضيق
بيكون صديق
ليمامة طايرة فى السما
غصن و نما
او وردة شارده ما بين جفون
متبسمة
فلاح فصيح
بيناجى ريح حاير ف احضان الجبل
و اللى اتجبل
على الصفا
ازاى يخاوى الانكسار
بلبل و طار
على الحوارى و الشجر
و ف كل دار
راسم فنار
لكلمة حلوة منغمة
حاطط مسار
عاشق يغنى للقمر
وسط السحاب اللى انتظر

خطيت الطريق مواويل



و خطيت الطريق مواوويل

و ليه قلبى فى لحظة يميل

يضيع كل احلامى

وليه جيتنى بكل الشوق

وفى ايدك فرح مسروق

شجر طارح فى ايامى

ولما ايدى مديتها

هى خطوة خطيتها

و كانت سر الامى

وليه نامى

انين الجرح فى براحك

غصن الشوك

وليه مشبوك

جرحى ف ليلى و غرامى

قدامى طريق همشيه

ولو ماالقاش حنانك فيه

مش راجعة

انا سامعة

ندا قلبى

وشوق قلبك

وليه غدرك

سابق كل حنيه

منسية يا ايامى

يا هيامى

يا كل اللى كان ليا