فجر متمنع

يا قلبى يا مدبوح . بوح 

ولا تنتظر بكرة 

دا اللى ما يتسمع صوته 

يتثبت موته 

ويكره 

الضى رمشة عينيه 

وليه 

تخرس فينا المواجع ؟؟؟؟

...

 

يا موزع الاحمال على كل قلب.. عِين

مش كل من كترت دموعه

من زمرة المساكين

و يا فجر يا متمنع

فز!!

تعبت انا من قصة التأجيل

قرب غصونه

من قلبى ياللا و هز

واروى غيطانه بفرحة  المواويل

اراجوز

راجوز اللوز لون وشه 

اكد غشه 

ورسم على وش الضلمة فانوس 

كرر نفسه

وقليل البخت لأنه ...يجوز

اضعف من انه لدنيا يحوز .. 

اراجوز اللوز عارف نفسه

دمعه على طرف الرمش سجين

و زمان سكين 

حالف بالوحدة يذل نفوس

ولا يرضوش

سؤال انا بحسه وما بقولهوش

 احط راسى على قلبك اشكيك ... ليك

تسمعنى ولا تجاوبوش .. 

فيا صاحبى يا اللى فيك خليك جارى.. 

ده كلام العشق مدارى ... 


وبنراضى ولا يرضوش

طز

فى الدنيا اللى مزهزهه... لغيرى بس 

لانين دموعى ...

اللى مش طالع له حس

اقف واجهنى هنا ياحزن 

و بس بس

اوعاك تبرر كونى ضلك ...

 اياك صدقى انا يضلك 

لما انفعل واقول هتوب 

عن ذنب تصديق القلوب

اللى ما تعرف يوم تحسَ

لفين

لفين يا مصر رايحين؟؟؟ فى الشوارغ مقسومين وحتى اللى بين البين بايع بايع... كتر الكلام و الهم /و بحر الدم ... و المزاد منصوب اللى دقته و اللى كهنه و اللى كغنه و اللى فل و مين اللى اشتراك يا ست الكل ؟؟

حلم

حياتى وشين متلحوسين بسكوت وضحكة حلوة بتكركر
 و هم ومم و تاتا وهو وكام اراجوز بيزمر
 وقطة و عصفورة وبح... ودموع طعمها سكر
وكورة ف جون تتسنتر ...
وسوسة ويخ.. و حضن كبير يخللى الدنيا دى تنور
ونام يا حبيبى / مش نايم ولعبة اهى بتتكسر 
يارب اهدى اللى فى قلبى حلم زمان و اهو اتفسر ,,,