شوية تراب


مش وشى

******



ومش وشى ...

ده وش غريب

بملامح كابية مهدودة

عليها تراب ناااااااااااااااااااعم

متكفن بالكسرة..

ومش برجع ولا عاوز

ما دام التراب لسه مهوش فاكر !!



امان خايف

******

حتى انتى ..

مخبيكى الضباب عنى

وحتى الدمع تاه منى

و اتحبست ف العيون دمعة

و انا بضمك

ومش شايفة

ومش سامعة ..

ومش حـ ـ ا سـ ة



غريب

*****

وما تمدش ايديك للخوف

و تقطف ورد احزانه

و تجينى

مش قادر اكون لك طوف

تنجى انت ...

و تغرق فيا صرخة حق


ناسيين

******

كل يوم ...

احفر اساميكو على قلب القلب

و اخبى الجرح ..

و اتلفت

ماالاقيش غيرى !!


سما ... خضرة

******

و تزرع فى العيون فرحة

تطرح صبر

يا امبارح انا فاكرة..

شجر المر

ومش هقدر

اخطى لوحدى من غيره

دا انا طيره..

و هو الفجر ...


تراب مفزوع ..

*******

ولا صابر على الغربة

ولا ف عنيها عنوانه

و احضانه مخنوووووووووووووقة

و عطشان الحنين جواه

ومش قادر يتكلم ..


لغة التراب ... احزان

هناك 6 تعليقات:

غير معرف يقول...

هنا ..شعر "بيكتب صاحبه"
وإحساس مش كتير نقراه "بجد"
وكل المدونة "واحة إحساس"
تحياتي وتقديري "وشكر كتير"

ـــــــ

ســـــــهــــــــــر يقول...

حنين جارف
بيفرد روحي وف آخر حدود الجرح يرميها
يعرّيها
ويكشف كل مافيها
قصاد عينك ومش شايف

Ahmed Othman يقول...

الأخت/ سمر
الحروف تنساب بين يديك
كلؤلؤ منثور
اهنئك
و اهنئ نفسي قبل أن أهنئك
فقد ربحت اليوم
(مدونة صديقة)
و قلم له كل التقدير

ســمـــر احمد يقول...

واحة احساس ...
تخلقها اقلام .. زى اليمام تزور و تبدرفنها و احساسها ..
يبقى الشكر لمين .. و الامتنان ؟؟

ســمـــر احمد يقول...

سبحانك يا مقلب القلوب

و باعد عنى وده و نظره

لمين شكوتى الا ليك
انا بحبه

و هو حتى

ولا بص لى عمره

****

سهوووور

بحب تواجدك هنا اوووووووووووى

ســمـــر احمد يقول...

وجه جديد.. اهلا بك فىمدونتى المتواضعة ..
لقد كسبت اليوم المدونة تواجدا رائعا