وكان حرفى و تكوينه
و كان فرحى ف تفانينه
و كان نغمة على الهادى
مدفينى برموش عينه ..
يكون عايز يشاغلنى؟؟
يحيرنى و ياسرنى ؟
و مش راح اروح
ولو كان روح
ده تاعبنى
*****
يكون الضى بيناوش ..
قلب حزين لكن عايش
ولما نعوزه هانروحله
و ايه يعنى يكون حايش؟؟
*****
يكون قمرى على قده ..
ومش راضى يفوت عنده
لو يندهلى بعيونه
فى رمشة عين .. اكون عنده
******
يكون الحب ده قدرى
ووعدى يا ناس و من بدرى
منيش عارفه اغيب عنه
و لا قادر يطول صبرى
*****
يكون عصفور و يتشاقى ..
يلاقى الغنوه مشتاقة ..
واقول له انى راح اقابله ...
الاقى عيونه سباقة
.jpg)
.gif)
هناك 4 تعليقات:
يكون الغالى حيجيله اللى يسوى له
و لما يجيله و يخبط حيفتح له يقول ماله
ما دام شارى و حيصونه
حيبقى له / و كل الكون ولا يخطر على باله
-----------------------
تكون اول مره اقول حاجه هنا لكن ما تكونش اول مره طبعا اقرا
لانك عارفه سمر تكون ايه بالنسبه لى
جميله المدونه زى سمر
يكون عاشق لكن هيمان
ونفسه يبوح لكن خجلان
وقلبه يروح ويشكيله
سهاد العشق والحرمان
وليلوا يطول وما يعدى
ولو يفضل سنين سهران
****
يكون قلبه كمان مجروح
بيرقص متل طير مدبوح
وخايف يوم ما يحكليلك
ما تفضله حلاوة روح
فخبى عشقه فى الننى
وساب روحه لوين ما تروح
فجريتلك بتشكيلك
وتحكيلك بصوت مبحوح
لكن عشقت مواوليك
ورجعت له وفيها الرورح
معلش يا سمر عجبتنى
الله .. الله يا تامر ..
طب ممكن تسمح لى ارد؟
يكون حبه دوا عينى ..
يكون الفرحة فى سنينى
اناديله ينادينى
يقول لى الفرح والله زمان ..
يكون ليلى ونيس الاه
يتوه قلبى ولا الاقاه
ولو يبعد حبيب روحى
يكون الحزن ليا حياة
يكون قلبك براح اخضر
يكون قمرى و انا بسهر
و يفضل بيننا خيط موصول
و يبقى الحلم متفسر
****
المدونة و حياتى كلها بتكون اجمل لانك فيها يا سهووور ..
إرسال تعليق