وحدك و القمر مخنوق !!

مش هقدر ادخل قبر الخضوع

ولا ابكى عليك وانت مش هنا

**

وما فيش شروق بينطفى

لو جرحت دمعة بنفسج

ضل صفصاف التلاقى

و الحركة بركة

بس ف ا ى اتجاه ؟

نسيت اسأله !!

وقت التماع الدمع فى الساقية العطشانة عويل

انت ليه ناوى الرحيل

رغم انك حرقت وبايديك اخر شراع؟

مش مهم .. !!

باقى ف حضن الامانى ..

شوية فضا

يتسرسبوا فى كلامى( ندا) ..

اخرس و عاجز و يمكن ضرير

و البرد غول ...

فاكرة انه مرة قال " الدنيا ساقعة "..

و البرد هو البرد اللى بيكسر عضام الصبر

ساعة ... وفا .. ما يجيش

فمتندميش ..

لو رجعتى زى ما طول عمرك بتبقى

وحدك ..

و القمر مخنوق