شوية فضفضة!! كانت مع سهر و سارة ربيع


تخيلى لو السما تمطر بنبونى ...
و الشجر يطرح عصافير؟؟

و احنا بقى البشر الغلابة
يطلع لنا جناحات نطير...

عمرك جالك العيد ...
لوحده
كده ..ومن غير ميعاد ... ؟؟؟

و خبط على بابك ...

بس قبل ما يمشى مسح دمعتين ؟؟؟


/////


لو الدنيا تجمد ثوانى
و ينعاد الفرح من تانى
ياااااااااااااااااه
ل
و اشوفه يا قلبى
و يرجع حضننا تانى ؟؟؟

////

و صحيت لصبح لقيتنى بدعيله
حلو اوى انك تفتحى عيون قلبك على دعا ..
و انت اصلا غمضيتها على فرحة .. و انتظار
و تبقى عارفه انك مستنيه حاجة ما تعرفيهاش
و ترجعى تانى يطير الهوا شعرك و غنوتك
و تقولى للدبدوب اللى قاعد فى ركن الاوضة
انت مبسوط زى؟؟؟ فيغمز لك بعينه ..
فتقولى هو انا اتجننت ؟
و ارجع اقولك
***
و تبقى انت الوحيد العاقل
وولا شئ فى الكون يستاهل .

////



طب ايه رايك فى اللى مش لاقيه مكان للبلاستر من كتر التعاوير
و رغم كده بتدور على بلاستر بمبى يمكن يخليها تشوف الدنيا بمبى رغم اللى هي فيه ؟
تعرفى دبة رجليا على الارض و انا اللى واخدة من زمان لقب (مرحوم)
بتخلينى احاول الاقى سبب يخلى خد الارض الغضبانة ما يطراش بدموعى ابدا ...
و احاول اقنع التراب اللى قافل صدرى انى محتاجة

ا ت ن ف س !!!



****


مش على الهامش بقى
نفسى اعيش !!

ومش هقدر !!

سكوت سكوت ..
طب ممكن اتسحب و ... اموت ؟؟؟

***
وف وسط المفارق .. وقفت
ورميت م العيون دمعى
ف لحظة حداد ..
ما يحتملش اى صوت ..


هناك تعليقان (2):

روابط يقول...

سمر

عجبنى جدا شوية الفضفضة, طالعين من القلب بيجروا.. وعجبنى تعريفك لنفسك فى البروفبل
ـ ـ ـ

احبك شعرا و نثرا و صمتا و بريقا ياخذ من عينى لؤلؤ الدمع اذا انهمر و احبك بكل لغة لم اعرفها و لغة عرفتها و لغة نأت عن قلمى المطارد باهات الاشتياق .. لكنى و يا لهف قلبى لا اجد اليوم الا حروفا تتوكأ على سطر انكسر

ســمـــر احمد يقول...

شرفتنى بزيارتك للمدونة يا حازم و اتمنى ان الزيارة تتكرر ..