صوتك .. حنين

و بتسند على صوتك .. حنين
****

الفجر ساعات بيتأخر ..
و يتحجج و يستفسر
الاقى الرد جى .. انين ...

ولانى بخاف
اجرح صوت دعاك ليا
ب آآآآه منى ..
اقول اسكت ...
..................
تطمنى !!
واحسك جنبى بتطبطب
على وجعى اللى خانقنى
****
و اقولهالك .. وما بقولهاش
و اكتمها ف حنايا الروح
و تكوينى ..

ولو كان فرحى ناسينى
بتشعلق ف املى ..ساعات
و اقول بكره تنام عينى
و ابقى اميرة الحكايات ..
**
وبعد شروقى الف غروب
و كل ما اتوب
يراودنى الحلم و يكرر
نداه ليا
اقول يعنى صحيح هى
الدنيا عمرها ما تدى
بس اكيد خطاويا
مسيرها ف يوم
تلاقى دروب