الباب المقفول

فرس مجنح ..
فى موج الغمام يسبح
و كل ليل يطوى الجناح و يجرح ..
قلب الاثير
الم يسير ...
وما ذنب الاسير ..
اذا بالغناء المحموم يصدح ...


دمى وحنانك و التراب
و كتابى ...
شهيد ينادى عند اعتابى ..
اه يا اماه
سامحى
صمتى .. وغضبى .. و انات عتابى ..

هؤلاء تحت القمر الجريح اقتسموا
نبض قلبى و اغنيات شبابى ..
و تفرقوا كغربان نحس ..
صادفوا ..
يوم حزنى .. فزادوا من عذابى ..

يدى و الاغنية

و الباب المقفول

ووطن يرحل

من خارطة الصبر ..

فيجتمعون على طاولات الصمم

و يصوبون ... فحيحهم ...

على جرح غيابى ...

فاصيح


فى اخوة يوسف ...

و لا يجاوبنى ..

الا قميص مقطوع

مثل اسبابى

غيابك .

غيابك انتحار القرنفل ..

على عتبات الصبر

كرنفال الياقوت

عند سريان الفجر

غيابك اول ما اعى

و اخر ما اشهى

و نديمى عند انكسار العمر

غيابك تحليق سوسنة فى مدارات الفراغ ..

حرف بين دمعتين

فى قلب الضوءيرفض ان يصاغ

غيابك شباك مقفول ...

شمس تأتنس بالافول ..

و انصهار العمر فى بوتقة الذبول ..

غيابك وقت يفرمن فراغ الى عدم

و ترنيمة صدق ينشدها الندم

اه يا طريق المخاوف

لم تأسر هذا القدم ...؟؟

غيابك معبد فى اقصى الارض زلزله الندم

و حصار و مرار و نداء

يراود اذان الصمم

و انا فيك غائبة

اذ تغيب

و حاضرة اذا كان الالم

شخبطة

مزيكا صاخبة شخبطة

انا كلى ايه غير لخبطة

مش لاقى غير حبة ملام

و عيون بريئة ... و محبطة..

حلم يادوب

على جبين الورق اكتب
بحرف جسور
لا يتلخبط
و لا بيكدب
واتوضى... بدموع عينى
انا فينى
انا التايه
و انا المندور
لحلم يادوب
عليه الدور
دا انا شوقى لعينيك
لازم ..!!!
وشئ مقدور ..

ضوء

على نافورة الضوء

يميل الحرف و يشرب

و يمسح على خد الريحان

فيهرب


ويسيل

الشهد ...

الغافى


عند اقدام الورد

ويلعب ..

طفل الامل العابث


فتداعب جبينه الفراشة

فيقطب

ثم


يبتسم


و


يميل

احيانا

فى بعض الايام الخضراء

اتسلى بعد الاقمار المهاجرة

بين روحى و القلم المسكون بالتمرد ...

و لكنى بعد قليل

امل تشابه ابتسامات الاعتذار

فاعيد القلم الى مدارات النجم التائه

*****

احيانا ...

اقولها احيانا

اخرج حلمى المطوى

من جيب معطفى القديم

انشره على رصيف ميناء الصبر

و اتنسم عطرك
فاطير بين سحابات الحنين

ثم اهبط
على حد السكين

فاعيد حلمى الى جيب المعطف

*****

عند مستهل الحكايات

تطير دوما عصفورة
الى اقصى ركن فى الصورة

و تتلون ثياب البنات باللون الوردى

واحتار اى الزهرات احلى

و لكن

عندك قرب نهاية الفصل العاشر

تخبرنى بقلق ...

عن تلون الزهرة القرمزية باللون الشاحب

و انكسار فانوس الراوى

فارتجف قليلا و اغيب ...

****

فى بعض المساءات المخملية

اخرج تذكارات جارتى من صندوق بهاءها

تخجل هى ... ثم تبتسم

فتعود الشمس لتشاغب سحابات الوقت ..

لكنها

ترحل مع موج البحر الذاهب الى

هناك

يكون.. فتافيت

وكان حرفى و تكوينه

و كان فرحى ف تفانينه

و كان نغمة على الهادى

مدفينى برموش عينه ..

يكون عايز يشاغلنى؟؟
يحيرنى و ياسرنى ؟

و مش راح اروح
ولو كان روح
ده تاعبنى

*****

يكون الضى بيناوش ..
قلب حزين لكن عايش
ولما نعوزه هانروحله
و ايه يعنى يكون حايش؟؟

*****

يكون قمرى على قده ..
ومش راضى يفوت عنده
لو يندهلى بعيونه
فى رمشة عين .. اكون عنده

******

يكون الحب ده قدرى

ووعدى يا ناس و من بدرى

منيش عارفه اغيب عنه

و لا قادر يطول صبرى

*****

يكون عصفور و يتشاقى ..
يلاقى الغنوه مشتاقة ..
واقول له انى راح اقابله ...
الاقى عيونه سباقة

فراشة

لم اكن افهم
لم مرقت الفراشة
دون ان تلقى على عيونى التحية
و لم اجفل هذا الغزال
اهو خيال
ان يحوم النهر فوق راسى
و يباغتنى ... ليلعب؟

بك احلم

بك احلم

و بك يرف القلم على سحب اوراقى

ويفيض بيَ الوجد فاترنم

فتتعجل شمس حنين اشراقى


و اليك اكتبها .. افتقدك

و اليك ارسل كل اشواقى

تلقيمة شاى - قصيدة قديمة جدا جدا

صباح
مش مغسول بالندا
وقلوب خرسا
ما ترد ندا
ومرجيحة
قديمة متكسرة
وسيف عنترة
علاه الصدا

وعيد ...
لا مش عيد ولادياولو
لازاروا بعض
ولا اداولو
وناى مجروح
وتقسيمه
براد شاى ..مش نساى
وتلقيمه...
و تعزيمه
يقولها درويش
ومفيش
لكلامنا ده
لاطعم ولا قيمة
مهى اصل الجمل باخت
والدروب كلها
كلها تاهت
حتى الدموع
الدموع شاخت
عيشين الحياة
فيلم فى السيما....

دمع يحرق
وقلب يغرق
وعنوان
نسيته... رميته
لما ما ملقتش سكتك
توصل هناك..
رماك
اللى كانوا عزوتك
وواقفين وراك

واللى فرق
كلمة
بس لسه
ما قلنهاش
وفرح
ف الاحزان
صارع غرق
واللى اتسرق
راح بلاش

وسكة .... ودكة ,,,
وانتظار
يرجع صديق
بس يا خسارة
راح ما جاش

وشعاع وليد... يمد ايد
بس انا
بشوف طشاش

معلش ما فهمتش

قصيدة قديمة لكنى بجد بحبها
خطر ... ان القلب يكون مكشوف

****
معلش
مافهمتش
ورغم ان الشعر شاب
معرفتش
امتى يكون وقت الغياب
اصل الحياة
مافيهاش صحاب
ولاشئ بيمنع العذاب
غياب
كل اللى باقى
واللى فاضل مننا
ذكرى
قلب داب
وكلمتين مجاملة
وكام محاولة
وباب موارب
ودفة
من غير قارب
وهارب
انا من كل شئ
ولا يفرق معايا شئ
سكوت
وموت
وصوت دموعى
وهى تنزل.. مطر
خطر ان القلب يكون مكشوف
والناس تشوف
خليك حذر
اوعى تورى اللى انكسر
اوعى ف يوم تتحسر
و ينفطر
قلبك بكلمة
الدنيا ..ضلمة
و الضى فيها بيتأسر
و بينشطر
فيها الكيان
سودة
كل النجوم
غيوم
تحجب شمس قربنا
وبعدنا
بقى شئ محتوم ..

مش هرضى

مش هرضى
اكون ايام و تتقضى
و استنى ف يوم لو تفضى
و مش هرضى
اكون كدبة
و تكدبنى
و اكون ملكك
تعذبنى ...و بتسيبنى
لاه شارده

ولا يهمك ...

ولا يهمك

وايه انا اكون
سوى يمامة
بجناح مجنون
شالها لفووووق
/
/
/


واهو اتكسر .

تاج و جالى ... اعمل ايه؟

لو مكنتش مصري بس عربي كانت هتبقى ايه نظرتك للمصرين واللى بيحصل فى مصر دلوقتى؟

لوما كنتش مصرية كنت اكيد هسال نفسى ايه مخلى المصريين راضيين باللى بيجرالهم ده
لكن اكيد كنت هحبهم لانها شعب طيب حقيقى و مسالم..


لو كنت اوربي او غير مسلم هتبقى ايه نظرتك للعرب والمسلمين؟
كنت هحاول اعرف و افهم عقيدتهم و تفكيرهم كنت هحاول اقرب من عقلياتهم لكن اكيد كنت هندهش من اختلافاتهم و صراعاتهم الداخلية

لو قالوا لك انك بقيت رئيس جمهورية هتعمل ايه؟
هخاف اوى من ربنا

لو سمح لك برؤية الرسول صلى وانك هتقولى كلمه واحده؟
هقوله سامحنا

لو كنا فى عصرازدهار الاندلس كنت تتخيل نفسك ازاى؟
يمكن كنت ابقى شاعرة كبيرة

لو خطبت واحده او اتخطبتى لواحد واثناء الخطبة اكتشفت او اكتشفتى ان الطرف الاخر غير قادر على الانجاب هيكون ايه تصرفك؟
الاجابة سؤال هو الجواز علشان المودة و الرحمة و السكن ولا علشان الاولاد ؟
و الاجابة عندى ان الاولاد نعمة من ربنا ممكن ما يديهاش لعباده يبقى ماهياش اساس للموضوع

لو طلعت على القمر هتكتب ايه؟
الحمدلله

لو مررت التاج لحد وماجاوبش هتعمل ايه؟
هحرمه من الميرات ههههههههه ولا حاجة طبعا

تمرر التاج لمين؟

اممممممم

لكل الناس الحلوة اللى عدت من هنا
وخصوصا ..
سهر ..
وولاء

راية بياضها كسير

يا ساكن ندا الفرحة

بتيجى ساعات

ساعات جارحة

و الاقى الكون بيخلالى

ازوق دمعه بالاهات

لما تكون على بالى

وفا و نبضات

لكن قلبك صحيح قاسى

و عامل فى الهوى مسافات

ما بين الصدق احساسى

و بين الماضى واللى فات

و طالب راية

بياضها كسير

و مش عاوز بياض قلبى

ولا عاوز براح الروح

اقول ؟

ولا ازعل انا واخبى؟؟

عارف ؟!

قلبى هيسايرك

و يلبى .. كما قلبك

كما نبضك

كما عنادك ف تكوينك

و اكون محراب

و اكون لك فيه مريدينك

ومش عن ضعف صدقنى

ولا تايهة تلملمنى

ولا لوحدى

مش راح اكون

لكن عايزة بيك انا اكون

اكون سكنك و اكون عينك

و اكون مكتوب على جبينك

و اكون لك كون ..

قليل من الحب

قليل من الحب يكفى

لكى تنبت على كفى سنبلة

ويصير العشق محرابى

و احيا بين الحرفين متبتلة

قليل من الحب يكفى

لاصنع درجا الى السماء

و اعتلى موج البهاء

ويصير اللحن نزفى

راهبة الغناء فى محراب القلم

اصادق الايام و اشدو للالم

و ارتب الاوتار على خد المحبة

وانادى العطر و الشعر لبى

بستان حرفى يا منفاى المختار

عشقت و بعض العشق الم و نار

اذوب بين حرفين و ارتوى

اذا ما فاح شذا و ارتفع جناحى و طار

يا قرنفلة البوح يا رفيقة الدرب

قبلي عطر اقلامى و هدبى

و امنحينى بعض الق

واذا ناديت آسرتي فلتلبى

لا

لا

حرفين .. كفين

سندان و مطرقة

نزف بقلبى

وليت الحرف الملهوف

لاقى منطقه

محزون ولدك يا اماه

و هدية العيد ..دمعة حارقة

غنا

كما النداهة
جنيه بتنادى على المجروح
وميض الروح
يخبى لما بنخبى ..
اهات و جروح
و نشابى على ضيه الضعيف يمكن

!! !
و نلاقى الصمت يتمكن
و يفضل حسنا مدبوح ...

مش تايهة
و لا رجلى ما شالتشى
لكين الغنوة بتصمم
و لا تهتم
و ايه بفرق و ايه بيهم
مش ليا
صحيح بكرة
لكين النغمة معروفة
و معزوفة
مع ان العود مش ( عايد)
ومش قايد ف قلبى الشمع
لكن نور الغنا بيطوف
جهات الروح
و يرفرف
جناح الدمع

ف محراب الكلام ناسكة
و مش (راهبة) اقوله
ف يوم
ولا رغبة
تمر اوام
دى ايام الحنان لسه
و لسه يا قلب
باقى كلام

ماهيش ذنوب

ومن موسى
يروح كلامى للمسيح
و بالصريح
تختمه باخر نبى
نبى مننا
صحيح و شايل همنا
و ربنا رب القلوب

مهما نكون عاملين ذنوب
نرجع نتوب
و ف العيون الطيبة
نسكن .. ندو ب
يبقى الهوى
نعمة حلوة م الاله
وماهيش ذنوب

مش محتاجة غيرك حد

ومش محتاجة غيرك حد ..
بلا احلام
ولا مرسى
و لاقلبك ف يوم يقسى
ويسرقه حد ..!!

مش هوا
و لا فى البحر ميت نوة
ولا اخد ورد
وممنوع الفراق كله
لا شمس البعد
ولا ضله
و لا قسوة صد ..

عزيز عينى
ادى ايدى
لايديك تتمد

ومحتاجة اكون لك بوح
يكون حضن الدموع مفتوح
واكون لك قلب

تكون الروح
ومش فارقة
اخطى خطك المسموح
ولا تخطى ..
و اقولها صريح
و متغطى
مش محتاجة غيرك حد ..