بسيب روحى شجر للضل
وف حضنه من يتعب و مين بيضل
و انا اللى ف حر الزمن واقف وحدى
لا بيتعب قلبى انا ولا م الوقوف بيكل
-----
اقولك !!!!
صرنى ف منديل
و اَحبك عقدته جدا ..
و ارمينى فى قلب النيل
وامشى السكة ..
برد طويل
و تغريبة
وصحرا القلب
مش راحماك
لكن ف حماك
ما لقيتش الامان ابدا !!
جوة الصرة حط الدمع
و الاشواق
حط الفرحة و السيرة
وحط ليالى بستناك
وما تعودش!!!
حط دفاك مع الحيرة ...
و حط نهاية
فراق ف فراق ...
-----
كرسى فى الكلوب
و البعثرة .. تفتيت لكيان متفتت اصلا
وب التحديد
مش ناقص حب ولا دقة قلب
علشان يرجع يفتكر
انه
ف
النهاية
وحيد ....
******
.jpg)
.gif)
هناك 10 تعليقات:
وحيده
صحيح !!!!
نسيت اني مصاحب الوحده وبرد الليل
وتنهيده بقالها زمان بتتعبني ، بتقلقني ليال كتير
وحيد انا برضه ومن يوم تركت الحضن وانا بابكي
ولساني غريب مجروح
لكنك ديما بتتلذذ بكي الجرح
و بالدمعه
كأنك كل يوم تمحي بألمي بعض من ألمك
وانا معرفش هيجي يوم وتسامح
والا هتقضي ايامك تدور علي نقطه في اخر السطر
تعذبني وتمحيها ...ثم تكتبها علشان ترجع وتمحيها
سلام يا قلب كان احن في يوم من ازهره علي قطر الطل
أ . ن
اتأخرت كتير
و لما رجعت لقيتك
بتتعاركي مع نفسك و بين نفسك
الموضوع وصل لكرسي في الكلوب
.....
كرسى فى الكلوب
و البعثرة .. تفتيت لكيان متفتت اصلا
وب التحديد
مش ناقص حب ولا دقة قلب
علشان يرجع يفتكر
انه
ف
النهاية
وحيد ....
جميلة لدرجة انها
بتوجع القلب
ما توشوشيش الودع
و تبوحى بالاسرار
وما تسمحيش للـ جدع
يقراكى بالاصرار
تتزايد الاضرار
و يحط لمساته
فوق صفحة ايامك
و يخط من دمك
حرفه و يتباهى
بمغامرته الخايبه
ما ترقعيش حكايات
م الاصل كات دايبه
هلاهيل ف احساسك
تكشف ما تسترشى
تقصر و ما تطولشى ..
تخدش برىء قلبك
بالجبر راح تشقى
بالصبر راح تشفى
للى انكسر ..
ترياق
فى صحبه الليل والبرد
ويمكن كمان دموع السما
وندى القلب
وان كان متلملم فى صره يمكن
تتحدف يمكن تتحفظ
بس فى النهايه بردوا
وحيد
-----------------
بمناسبه الحر
الوحده احسن كتير
-------------------
دمتى اجمل سموره
Hello
اول زيارة ليا وانشاللله مش الاخيرة
كرسى فى الكلوب حلو اوى بجد استمتعت بيه واتمنى مزريد من التواصل
تحياتى
سلام
اشرف نبوى ..
شكراعلى المرور الجميل و المشاركة
تحيتى و تقديرى
احمد ..
وما كانش القصد اوجع القلوب الطيبة لكن مجرد فضفضة وخناقة فعلا مع نفسى بس الحمدلله ما فيش اصابات
نورتنى
ولا ابين زين و لا اكتب بدمى حجاب
و لا اكون يمامة يتيمة يدبحها ع الاعتاب
و يخطى على دمها المسفوح
يشفى و الجرح تمنه غياب
واه يا زمن خاين .. وف لحظة باع الاحباب ..
سهووور ..
بعض الحروف نور و بعضها للجرح دوا
ووحيد يا قلبى انا ولا تفرق الاسباب
ولا عاد بيفرق معايا لقا
و لا حتى برضه غياب
مش كل الحبايب قرايب يا قلبى
ولا كل الهوى كداب
بسبوسة ...
بتوحشينى
حسام
نورتنى و سعدت بزيارتك
اتمنى تدوم الزيارات
مرسى بعدد النجوم
إرسال تعليق