وش مكان الوش ..
احزان كتير
فاتت بالغش...
وملامحك فى ملامحه دليل
ان الشوق للقاك
عايش
وما ماتش ...
بس الغريب بعد مرور الفين .. دمعة
منه ومش عليه
لقيت ان العشق الباهت ..انت و بكرة ..
بقى احسن مليون مرة من ...
...........
.........
فكرة !!
ايه رأيك تتبادلوا اللحظة
و تيجى اقولك
ما وحشتنيش
زى ما انا برضه
ما و ح ش ت ك ش !!!
.jpg)
.gif)
هناك 12 تعليقًا:
و لو تنزف قلوبنا الحب
تسيل الاهه من جوه
تجيب الحزن بالقوه
و كان ساكن ف جدرانه
و ينطق صوته احزانه
و تتساوى ساعات كونه
بساعات موته
و ساعات موته
يكون ارحم
و مين اظلم
من اللى بينبش الاحزان
و جرح القلب يوم ما ينام
و لا جراحه بتداوى
و تتساوى
كده ايامه
لا عيد يفرح
و لا مع نسمه يوم يسرح
ولا بتزوره احلامه
و ادامه
الامل يهرب
بلا اسباب
يقوم و يرد قلبه الباب
----------------------------
سمر
الصوره تجنن
ده مرور اول بس
راجعالك اكيييييييييييد
ومين يقدر يكدب العين
اللى بتفضح
ان اكيد وحشتك
زى ما وحشتنى
الغش
هو اللى بيقوله
كلامنا
وبس
----------------
تعرفى الاغنيه دى
حياتى وهو مش فيها
سنين عدت رضيت بيها
وفاكر لو قابلت عنيه
عادى جدا هعديها
واديك ياللى افتكرت نسيت
قابلته الليله واتهزيت
طيب ازاى فى حاجات بتموت
وتيجى الصدفه تحيها
--------------------
اسمها وافتكرت
بس مش فى جمال كلماتك
دمتى جميله يا سموره
رائع وبسيط ويفوت بسهوله على القلب
رائع وبسيط ويفوت بسهوله على القلب
احزان كتير فاتت بالغش
من اجمل الجمل الشعرية اللى سمعتها بجد . حلوة يا سمر بجد حلوة .
آه من شقاوة كلامك
النص ده خصوصا فيه شقاوة
من كتر الحزن اللي
سكن القلب دهور
و دمع ما بطل
نزول
بقى لازمن حبة جنون
....
و تيجى اقولك
ما وحشتنيش
زى ما انا برضه
ما و ح ش ت ك ش !!!
جميلة بجد يا سمورة
اقولك !!!!
صرنى ف منديل
و اَحبك عقدته جدا ..
و ارمينى فى قلب النيل
وامشى السكة ..
برد طويل
و تغريبة
وصحرا القلب
مش راحماك
لكن ف حماك
ما لقيتش الامان ابدا !!
جوة الصرة حط الدمع
و الاشواق
حط الفرحة و السيرة
وحط ليالى بستناك
وما تعودش!!!
حط دفاك مع الحيرة ...
و حط نهاية
فراق ف فراق ...
سهر ...
ربنا يخلى لى اللى اختارتها
بسبوسة
تعرفى مرورك بيفكرنى بايه
بموجة ورد ابيض تاخدنى لفوووق
تسلميلى يا جميلة
محاسن صابر
مرورك الرقيق اسعدنى جدا ..
ياريته يتكرر ..
هانى زينهم .
طب تعرف بجد قراءتك للنص بتعجبنى جدا جدا ..
اشكرك بعدد النجوم
جرب ..
و انت على سور الروح مسنود
بتدخن وجع صافى ..
تسيب حتى .. الدمعة تفر ,,
وده شئ كافى ..
عشان تطير عصافير البوح
من فوق شجر صدرك .. غنا ..
يملا الكون ونس دافى
سمستى
جنون ... يا بنتى دا انا مصدره هههههههههه
زورينى تجدى ما يسرك
منورانى ديما يا جميلة
إرسال تعليق