يتيمة روح...

"عادى اكون يتيمة روح من قبل الفطام بسنين"

****

صوت القطر ..

بيرعش حزنى من جوة

و انا ماشية الرصيف وحدى

و شئ جوايا بيقوللى

اخره ضمة الاوجاع

سكوت ساقع ...

حلوة ريحة البارفان ؟

وحنان الضل ف جفونى؟؟

ولما انا حلوة ف عيونك

ليه تمشى ؟؟

ومش راجع؟

**

تشهد عليا الاماكن و الوشوش

ان كل شئ

اى شئ

بعدك ..

فاشوش

**

ورافضة ..

كل غيبة .. كل خيبة

كل فرح

ساب سنينى ..

ما اعرفوش

**

على الهامش

بطل بقى ارجوك

تنط من بين سطورى ..

المكسورين

سيبنى حتى اقول الاه ..

ما تطلعشى

برنين صوتك

امضا

وش بايت .. /على ناصية وجع

اوعاك تلتفت

اكيد انت ,,

ما تعرفوش ...