وما بحبش الاصفر !!
لا ف ورد
و لا ضحكة
بتكرمش خد
ولاحتى ف برود صوتك
لما تسلم
............
........
و الغيرة
و خناقك ..
.......
و البرد ...
وسؤالى
المش لاقى الرد ....
واهو لون !!!
لا غلط فى كلامه
ولا زاد فى ملامه
ولا حتى احتد!!!
ما بحبش الاصفر!!
الاشتراك في:
تعليقات الرسالة (Atom)
.jpg)
.gif)
هناك 18 تعليقًا:
ما غلطش الاصفر و لا اللى ارتبطوا بيه لاحساس غيره غصب
و مين عارف
يمكن يبدل النار رماد و لو اطمع تكون ميه
الاصفر خد م الاحمر لونه لكن
لو زاد على االالوان الاسود ما بترجعش
سمر
للزهر اسرار و للالوان ايضا
و لحروفك سر و سحر
الاصفر
!!!!
!!!
سمر
أول مرة اقابل امرأة
لا تعشق الأصفر
أو صفر لا يعشق النساء
و أنى لك
ببريق اليدين
و الاذنين
و الجـِـيد
نحاس أم حديد
كتابتك حلوه قوى يا سمر
عجبنى بوست الله يا على جدا
فالى الامام دائما
من سمر برضو
لو الاصفر فى برود سلامه وكلامه
وضحكه كدابه
يبقى مكروه ومشقوق نصفين كمان
وحشتنى يا سمر
عجبتنى دى..
دعواتك..من قلبك اوى
وعكار القلب
لو بحر بياض ما يصفاشى
و لو فى جنازته يبكى له ..
ما يحكيله
قاتل و البكا فى عنيه
تمثيله
و ما بحبوش
لو كان اللون وتحويله
قدر مكتوب على جبينه ..
**سهر
وشوية فضفضة على بوح ومين يسمع غير قلبك؟
دكتور احمد ..
الزينة بياض القلب و النيه
و بريق فى العينين يحكى قصة و رواية
يمامة وعشقت فى بياض الفجر اغنية
و افتكرت فى ساعة شوق ضلوع قلبه بنيه ,,
****
تعرف ان الفضة بتجيب الخير ؟
و لو ع الدهب بحبه بس ابيض !!!
سمورة .. منورانى يا جميلة اوى ..
فرحانة بزيارتك
و سعيدة جدا ان كتاباتى عجبتك
بوست الله يا على غالى جدا على قلبى
ربنا يكرمك
سارة ..
يا بياض ملفوف فى حضن الفجر
ورده و حمامة و خد القمر فى تمام البدر
وياريته فضل مشقوق نصين با سارة .. لا ده اتفتفت فتافين ومش سكر .. ملح من دموع العين
بدعيلك بكرمه وفضله وبحنيه رب على عباده يديكى الخير و الفرح و التوفيق ويكون حارس ولا حافظ غيره
من قلب قلبى بتبدا الحكايات و الدعوات و حب ليكى لله و فى الله يا غالية
للورد لغات خاصة بين المحبين
فعندما نقدم مثلا وردة حمراء لشخص ما هذا يعنى أننا نعشقه
أما الوردة ذات اللون الاصفر فلها إشكاليات عدة ، حيث أنها تعنى الغيرة ، وتعنى كذلك أن من نحبه يحب شخصا أخر سوانا ، لذا إرتبطت الوردة الصفراء بالخيانة
كذلك هناك ضحكة صفراء وهى ضحكة خبيثة تحمل معانى المقت والسخرية والكراهية
وهناك ايضا الصحافة الصفراء ، وهى الصحافة المضللة الكاذبة
ورغم كل هذا فأنا أحب اللون الأصفر
دمتم بكل خير..تحياتى
د رامى شهاب الدين ..
شرفت المدونة و اسعدتنى جدا زيارتك الاولى
و اتمنى ان تتكرر .
يمكن يكون مظلوم الاصفر زى ما اتظلم الليل لما ديما نقرنه بالحزن و الظلم و نقول ان الفجر الجاى احلى مع ان ساعات الليل بيكون جميل
بس نعمل ايه اهو ديما الانسان بيدور على رمز لكل مافيه من عيوب
تحياتى.. ومودة
ايه المدونة الجميلة دي ؟ بجد مش عارف كانت غايبه عني ازاي
احييك علي كلماتك .. واسلوبك بالعامية رائع فعلا
عجبني البوست ده بس بصرحه البوست اللي فات (سكر مرشوش) عجبني اكتر
بجد تسلم ايدك وربنا يزيد موهبتك
هتشوفيني هنا كتير باذن الله
فارس بلا جواد
مرسى على تشريفك المدونة و كلماتك الرقيقة
المنورة هاتنور ديما بيك ..
وشهادة بعتز بيها من صاحب قلم مميز جدا
نص جميل وممتع
ينم عن اداع متألق
مزيد من التألق
شادى اصلان ..
شكرا لعبير مرورك الانيق ..
ارق امنياتى و دعواتى بدوام التوفيق
ومن منا يحبه :)
باختصار ...
البوست رائع بل وأكثر من رائع ...
حرصت على قراءته وعدة بوستات قديمة ..
وباختصار أكثر ...
أنا في انتظار جديدك متوقعا الأفضل ...
وتم إضافة لينك لمدونتك .. بعد إذنك طبعا .. حتى أكون متابعا مستمرا لكتاباتك التي اعجبتني بشكل خاص ...
تقبلي خالص شكري وتقديري واحترامي ..
دمت بخير ...
زمان تحديدا فى درس العربى فاكره كنت اختار مذكراتى كلها باللون الاصفر فكان المدرس يقولى اللون الاصفر رمز الغيره
ههههههههههه
بس هو فى نظرى لون الشمس ومشرق بحبه بس مش لونى المفضل طبعا
كلماتك نظره تانيه وزجديده يا سموره
سلمتى
ايهاب ..
تشريفك لمدونتى اسعدنى جدا فما بالك برأيك الجميل .. واضافتك للبنك مدونتى لمتابعتها
شكرا لتواجدك الرائع
بسبوستى السكرة .
لكل شئ فى الكون وجه جميل واخر مش اوى يا قمر حتى الالوان مدلولها عند الناس ممكن يختلف اوى بحسب تاريخهم .. و تعرفى يمكن بحسب الحالة ..
واهو انتى حبيه فى الاصفر الشراق و ووضوح ودفا الشمس .
بحب وجودك معايا
إرسال تعليق