تعرف؟!
لساك قادر ....
..........
علشان خاطرى
بدل وبسرعة دموع العين
سكر مرشوش
على سما زرقا
وسحابها خيول ..
فى براح القلب اوام ترمح
اوعاك تجرح
مش قادر قلبى على الاحزان ...
حبه الوان
شخبط بيهم
فى بياض العمر المتوضى
بندى النسيان ..
استنى كمان !!!
ارسم ورده ...
اوراقها حنان ..
خليك جنبى ...
ده المتخبى
ف هوايا امان ..
عارف طبعى ...
رغم ان الحزن بجد ...يهد !!
بعرف افرح
لو مس ضلام اليوم منك
ندعة ياسمين
ما تكونش بخيل ..
وازرع فى غيطان الصمت كلام
مايكونش ملام
قادر تسبح.؟.... ضد التيار ؟
اللى انت بنفسك حرضته
يبقى ملاوع؟
قلبك سامع؟
.jpg)
.gif)
هناك 27 تعليقًا:
وسحابها خيول ..
فى براح القلب اوام ترمح
اوعاك تجرح
مش قادر قلبى على الاحزان ...
حبه الوان
شخبط بيهم
فى بياض العمر المتوضى
بندى النسيان ..
استنى كمان !!!
.......
رقيقة .. راقية .. جميلة ..
كان نفسي أقتبسها كلها ..
تقبلي مروري ..
كل حبي ..
اوعاك تجرح
مش قادر قلبى على الاحزان ...
حبه الوان
شخبط بيهم
فى بياض العمر المتوضى
بندى النسيان ..
استنى كمان !!!
ارسم ورده ...
اوراقها حنان ..
خليك جنبى ...
---------
وهل سافر يوما،، أنه يسكنك كما انت تسكنيه
ومسافات العالم لا تستطيع ان تبعد قلبين اتحدا يوما
ربما هو فقط ينتظر الاشار ( البشاره)
ليعود
----
جميل ما قرات هنا
انا
_____________
الغالية ميرام
كل شنة و انت طيبة يا قمر
نورتى البلوج و اسعدتينى جدا
يارب ديما تنورينى
على فكرة مدونتك شيك اوى استنى زيارات مكثفة منى
غير معرف
شكرا على مرورك وكلماتك ...
تقديرى
انا مش مخدوعه ...لا ف العنوان و لا لو حتى السكر كان .. مرشوش على سما زرقا
و ما نيش ندمان على تفاصيل الحزن المرسومه ف كل مكان
بصحيح غرقان ف الحزن الراسم ف ملامحه بدقه و اتقان
لكن تفاصيلك ع الجدران ...الشايله الذكرى باعجوبه
بتسهينى
و ترش السكر و الالوان
*************************
سمر
شكرااااااااااااااااااااااااااا
قلبك زعلان ..
و عينيك بتقول ف كلام ساكت
و الدفا حيران
ولانى فى بعدك زى زمان ..
عاشقاك برضه
مش بستنى ..
ولا بتمنى
سكر مرشوش ..
حبه الوان ..
حتى الفرحة مش عوزاها ...
مش زى زمان ..
***
سهووور
انا اخدت ساتر لانى عارفه معنى شكرا دى
مش قلت لك بلاش انا و العامى
من خاف سلم يا بنتى
على فكرة بقى رغم ان الكتابة شكلها حلو ولذيذ وفيها مشاعر مش بطالة
الا انها فيها استجداء وادعاء ازمة وماساه مش موجودة وماشميناش ريحتها
ده راى بسيط كده من واحدة على قدها
ياريت تقبليه
حلوة قوووي قوووي يا سـمـر
.
.
جميـــلة ،، ورقيقة ، ومبدعة ...
رمضـان جميييل قووووي
ولا إيه ؟؟؟
غير معرف ..
شكرا على مرورك و رأيك
تقديرى
ابراهيم ..
رمضان كريم وجميل و طاعات مقبولة يارب ..
اسعدنى تواجدك الجميل
و تعرف
عالرغم من وجعي منك
بضحكة منك مدّارية
بترسم سنين عمري كله
وتلونه بالضحكة ديه
....
الجزء اللي فوق ده بس تواصل نفسي مش ابداعي طبعا
و كما هو معروف لكل اللي يعرفني اني ف العامية ميح
يعني هو بس أنا عايزة اقولك يا سمورة ان نصك احساسه وصلني
و بجد جميل جداااا
سمسمتى الجميلة .
من القلب للقلب كلمة زى نسمة صيف تطبطب على حر الايام
و تواصل الارواح اجمل ما فى الدنيا
ربنا يخليكى ليا و ما يحرمنى من قربك اللى حساه اوى
رقي الاحساس هنا وصدق المشاعر الذي تعودناه دوما في احرفك طغي علي القالب هنا ،، لكنه احدث متعه بتدفق الاحساس وعدم المغالاة في الالتفات إلي صنعة الكتابة والاهتمام بالشكل
جميل ان نستطيع التعبير عن ذواتنا بكل هذا الصدق
خالص مودتي
اشرف نبوي
جميلة جدا يا ريت تنصحيني بديوانلمحمود درويش اقراه احاول اتعرف عليه شوية
متتنسيش دي ..
السما الزرقا اللي بتمطر بنبوني وسكر نبات ...!
خلتيني ابتسمت وقربتي دمعه من عيني ومش فاهم ليه ؟! بالسكر المرشوش على سما زرقا ( مع ان المفروض انها زرقا مش حلم يعني ولا امل ولا نظرة تفاؤلية لكن نعمل ايه ؟!)
مش هارغي كتير انا بس في ليله القدر (يا رب تكون)
بادعيلك بالسعادة وخير الدنيا والآخرة
كل سنه وانتي بالف الف خير
وعيد سعيد عليكي يا رب
هاني رمضان
ــــــــــ
غير معروف
اهلا بيك فى المدونة و ياريتك تتعرف من خلال الموقع ده على بعض اعمال الشاعر محمد درويش
http://www.adab.com/modules.php?name=Sh3er&doWhat=lsq&shid=334&start=0
هانى رمضان .. اخويا العزيز جدا
بيييجى العيد وقت ما بيحب هلاله .. لكن انت بمرورك الجميل ودعائك الطيب حقيقى جيت للسما الزرقا هلال الاخوة و الطيبة و النقاء
ربنا يكرمك ويسعدك يا هانى
اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد
العنوان رائع ... جذبني من مدونة أخرى لمدونتك ..
أتيت لأرى بوست رائع بالفعل ..
حالة تعيشها مع الكلمات ... ومع أناقة الكلمات والسكتات ...
تقبلي بالفعل فائق احترامي لموهبتك الفذة مع طلب بسيط ان اضع لينك لمدونتك على مدونتي المتواضعة حتى يتسنى لي متابعتها باستمرار ...
لك مني خالص التقدير والاحترام ...
جميلة كلماتك
****************
كل سنة وانتى طيبة ويارب يكون عيد سعيد علينا جميعا
نهر الحب
كل سنة وانت نقية .. جميلة طائعة لربك
كل سنة وانت بكل رقتك غاليتى
صنعتى عيد جميل بمرورك هنا
ايهاب ..
كل سنة وانت بالف خير ويارب ديما موفق وسعيد
مدونتك رائعة بهنيك عليها ..
مرسى اوى على رقة كلماتك و زيارتك الجميلة
شرف ليا ان تضع لينك مدونتى عندك
تقديرى
الغالية موناليزا
كل سنة وانت لربك طائعة ..
كل سنة وانت راضية نقية سعيدة
عيد سعيد يارب عليك وعلى الامة الاسلامية
لساه ملاوع يا سمر..وقلبه سامع و مش سامع
سكرك المرشوش على السما الزرقا
فى ايد الدبدوب الى بيغمز..ده اكيد انا عارفه
كل سنة وانتى طيبة
انا قرات البوست كتير اوى..من اول ما نزل
بس مش عارفه ارد اقول ايه
المهم..وحشتنى و وجعتينى
اوعاك تجرح مش قادر قلبى على الاحزان
حبيبتى انتى يا سارة
وحسانى ووحشانى و سامعة فى الصمت كتير
زعلان الدبدوب فى ركن الاوضة ودموعه كلام ما يتقالشى
ويلاوع اللى يلاوع ما يفرقشى
بحبك واوى وبدعيلك كتير
بنرش السكر على اوراق حزينه
والسما الزرقا دى هى املنا يمكن لانها كبيره وبتسع احزانا وافراحنا كلها
انا شفتها مناجاه جميله
جدا
ورقيقه كعاده ارق سمر
دمتى مبدعه
وشوية سكر مرشوشة
مش مغشوشة و لا فاكر الكون ببساطة يكون
وش بيضحك .. لكن اهو حل .. مش شرط يحل
كلاكيع الدنيا الغدارة
بسبوستى .. مساءك جميل زيك يا غالية
إرسال تعليق