حبه عقل وفاضلين !!

طب ممكن يعنى
ولو فيها جنان
اتخانق وياك من غير اسباب
واتمرد ...
على حبه عقل وفاضلين ..
وهدوء حددت اقامته
ممكن اقولك
ان بلاط رصفان الشارع
اشتكى من كتر كلامى
عن صبرى المفروس ..
وسكوتى لما الاقيك
و اتهمك
وبصوتى العالى
اللى انت عمرك ما سمعته
ان انت اتاخرت كتير ...
عشان تيجى و يبدأ عمرى ؟
أرجوك ما تقولش بطيبة
"مالك يا حبيبتى احكيلى "

!!!
علشان مش ناوية ادوب
ولا اقولك تانى
إن انت
واحشنى قوى