همس سمر: عفوية تجن !!

عفوية تجن !!

لو تسمح

مش كل شوية ألاقيك قدامى

بتلاعب شوقى الحيران

بطفولة ..

وتخايل قلبى الغلبان بالصمت

لو تسمح سيبنى انام ..

من غير ما اسألنى

فينك؟؟ او عامل ايه دلوقت؟؟

وياريت لو ممكن ..يعنى ..بجد

تلملم اغانيك و كلامك ..

وكمان ضحكتك الغيظانى

من فوق حبل ذاكرتى الممدود اوجاع

و بلاش يعنى تصمم

وبعفوية تجن

انك تحدفها ف وشى

مع إنك متاكد جدأ

إن ...................

.........................

...................

بحبك

اوى

كده ليه؟؟؟!!!!

هناك 16 تعليقًا:

ســـــــهــــــــــر يقول...: الحلـم رنـة فـرح ...... سكنتـهـا لـيـلـى
رصيت نجومى دليل و قالتلى .. غنيلى
غنيتلها حلمى .. و ف لحظه تاه منى
بصيت لقيت الحلم .. واقع بيحكيلى
-------------------
حاجه تجن بجد

سمووووووووور

تحفه كالعاده
بس حبة لون على اللون العادى عمل مسحة بسمه; 19 مايو 2008 في 5:22 م
ســمـــر احمد يقول...: اهو ساعات يا سهوورتى نتفاجئ بأن السما كشرت فى عز الضحك و برضه لما ترجع تروق نتفاجئ ..
يا بنتى مهى مش بتثبت على حال ..
تعرفيش السما امتى بتتقابل مع الروقان؟

ديما وجودك .. فرح صديقة عمرى; 20 مايو 2008 في 10:30 ص
جابر المصري يقول...: ههههههههههههههه

وبوست خفيف الدم بجد

ايه السكر ده يا بنتي

ربنا يسعدك قلبك; 20 مايو 2008 في 6:31 م
ســمـــر احمد يقول...: يا فندم ربنا يحلى ايامك ... طب بذمتك مش انا طول عمرى سكر من ايام ما كنا اشبال فى نادى الكورة الشراب ؟
جابر يا مصرى شوفلى حل فى بلوجك مستقصدنى; 20 مايو 2008 في 11:36 م
موناليزا يقول...: لانك بتحبيبه دى اجابة السؤال فده وضع طبيعى; 23 مايو 2008 في 5:24 ص
ســمـــر احمد يقول...: الغالية موناليزا

كم احبك مرور الجميل; 24 مايو 2008 في 10:47 ص
اسامة يس يقول...: هو الحب الساكن في اعماق القلب مهما حدث/ هو لا ارادي/ عبرتي عنه هكذا ومهما حدث سيظل القلب ينبض باسمه..

رائع ما خطه قلمك ... من مشاعر حائرة وان كانت ثابته في الاعماق
دمت بكل ود..
خالص تحياتي...; 25 مايو 2008 في 10:15 ص
HANY YASSIN يقول...: كلماتك جميلة ومعبرة
على الرغم من عدم اعترافى باى نوع من انواع الحب
لكن الشئ الوحيد الذى اقدر على قوله انه شعور جميل عبرتى عنه باسلوب مبدع
خالص تحياتى

هانى يس; 26 مايو 2008 في 3:33 م
r يقول...: جميل اوى يا سموره
فى لحظه فرح كدا عجبتنى اوى فى كلماتك
سلمتى دايما; 27 مايو 2008 في 2:14 ص
ســمـــر احمد يقول...: اخى العزيز اسامة يس
مرور دوما اعتز به من اديب متالق دوما تبهرنى كلماته و افكاره
دمت بخير و فن و سعادة; 28 مايو 2008 في 11:47 ص
ســمـــر احمد يقول...: اخى الكريم هانى ياسين
اهلا بك فى مدونتى سعدت بتواجدك القيم
ورغم اختلافى معك فى وجود الحب ... فحتى لو كفرنا بوع من انواعه يظل هناك باقى انواعه لنؤمن بها و نحافظ عليها كصمام امان لحياة البشر

مودتى و تقديرى; 28 مايو 2008 في 11:50 ص
ســمـــر احمد يقول...: بسبوستى الجميلة
اولا وحشتينى
و ثانيا و ثالثا و رابعا
يارب حياتك كلها تكون سعادة وفرح يا قمر

محبتى; 28 مايو 2008 في 11:51 ص
أسير الجراح يقول...: كلامك جميل اوى

تحياتى لقلمك المبدع

تقبلى تحياتى

اسير الجراح; 29 مايو 2008 في 2:17 م
ســمـــر احمد يقول...: اسير الجراح
اهلا وسهلا بيك نورت مدونتى و اتمنى تكرتر الزيارة
سعيدة جدا ان كلماتى عجبتك; 29 مايو 2008 في 7:39 م
مـ~ـاجدولين يقول...: عاميتك جميله

على فكره هو منتهى الألم غلف بخفه دم

تحيتي لك سموره; 3 يونيو 2008 في 2:28 ص
ســمـــر احمد يقول...: ماجدولين
مرورك الرقيق و كلماتك الميلة اسعدونى جدا
منورة المدونة; 3 يونيو 2008 في 12:22 م