سيرك حياة

فقرة الجرح ف سيرك حياة 
ياللا allez hop
اتدحرج من فوق احزانك
طير !!! ما تقفش مكانك 
واقلب صوت نهنهتك ضحكة 
كمان .. اعلي
خليك باصص علي سجانك ..
ياللا يا حلو ....
روض اشجانك
اعبر لهاليب النار .... ومرار
وقرار لو هز كيانك
اوعي تفكر بكرة عشانك
بلياتشو عجوز
ما يجوز
تطمع فوق ترابيز ترقص
خطوتك المرعوشة ... بشوشة
وعيون الناس مرة ف مرة بتنقص
اوعي!!!!
حاسب!!!
حضن الوقعة تمللي يناسب
جتة ميت
لازم يثبت
انه لاخر نفسه الجي
حاول يبقي فعلا ....حي