لحظة تلاقى خوف .. بشوف

رغم ان ف كفوفك دوا

ما انتاش مسيح ..

ولا انت باصص م السما

وماشى فوق خد المطر

فى المفترق .. وقت الخطر

و لا عندى وقت لالتباس ..

مابين وبين .. فى السكتين

طريق خلاصى

مش مطروح ليأس

ولا علة تلاقينا الصدف

قلبى ارتجف

لحظة تلاقى .. خوف .. ب شوف ...

فاتطمنوا .. فينا المعانى

و النتيجة المدهشة ..

حايرة بين شهد اللقا ويا الدموع ..

هى فرحة ؟؟ ...تبقى طوع ...!!!

و من بابك الموارب .. شفت انا اكتر ..

من مجرد رحلة بين نجمتين ..

او حتى مرجيحة امانى

تاخد ... لفين ..؟

شفت انا ... لكن عرفت ..

اكيد اكتر ...

هو اللى ساكن براحك ..

بجد يعنى ...

يقدر يفسر؟؟؟

22/10/2009

اللوحة للفنان الجميل رجائى الجوهرى ..