وحشتنى الحروف جدا
مخاصمنى الكلام .. حزنا
ومش قادر
يا شباك .. (حروفى) يا عينى
جلاب الهوى ...
و الدمع لو ينزل
دوا
للصمت
يفتح بيبان السجن و يصبح
على الغافى
و ع الناسى
و ع الساكت عن الاحلام
و اقول ده جناحى مش مفرود
ولا ناوية
ولا المفروض
اكشف روحى للايام ...
فتتمرد
و تكتبنى
ما بين حرفين
و التالت
و ترسمنى على وش السما
بضحك ..
و انا الغرقان
ف احزانى ..
.jpg)
.gif)
هناك 12 تعليقًا:
شباك حروفي
يا خوفي
توارب التشكيل
والعمر يجري جريح
من قسوة المواويل
واصحى
اشوف الفجر بيودع
من بين خطوط الشيش
والقى اللي باقي م الأمل
في خقيقتة اصلة
مفيش
ستنا ايه الحزن الجميل ده
افتحي الشباك وخلي هوا الحروف يرطب جبين القلم
نعكشة سريعة
استحملي
نهارك جميل
شباك حروفي
يا خوفي
توارب التشكيل
والعمر يجري جريح
من قسوة المواويل
واصحى
اشوف الفجر بيودع
من بين خطوط الشيش
والقى اللي باقي م الأمل
في خقيقتة اصلة
مفيش
ستنا ايه الحزن الجميل ده
افتحي الشباك وخلي هوا الحروف يرطب جبين القلم
نعكشة سريعة
استحملي
نهارك جميل
شباك حروفي
يا خوفي
توارب التشكيل
والعمر يجري جريح
من قسوة المواويل
واصحى
اشوف الفجر بيودع
من بين خطوط الشيش
والقى اللي باقي م الأمل
في خقيقتة اصلة
مفيش
ستنا ايه الحزن الجميل ده
افتحي الشباك وخلي هوا الحروف يرطب جبين القلم
نعكشة سريعة
استحملي
نهارك جميل
و مش كل السكات ساكت
و لا كل الكلام بيقول
و مش معقول
تآمن للى يكفر بيك
و بيعديك
منيش كافر
انا مآمن بنبض القلب .. و بعافر
-----------
ده مرور مبدئى
و دى مسالة مبدأ طبعا
ولا ناوية ولا المفروض
اكشف روحى للايام ...
فتتمرد
و تكتبنى
ما بين حرفين و
التالت و ترسمنى على
وش السما بضحك ..
و انا الغرقان ف احزانى ..
تحفة الابيات دى بجد . احيان كتير بيتاخد عننا انطباع عجيب وبعيد خااالص عن الحقيقة . جميل اوى يا سمر .
فسحه ..
فْ حدود الروح
بتركن ع الورق
كلمة قلق !
ويبل ريق الوحدة دمعه بتتسرق
من عزف ناي ..
ليلة زفاف الماضي/
ع الخوف م اللي جاي ...
................
مرر قوي طعم الغنا
وبيتخطف
أقوى صراخك
صوت ضعيف وبيرتجف
متغصّب الجمهور عليك
وبينسحب ..
وانت اللي مغصوب ع الغنا
وقت الطلب ..!
رغم انكسارك والغضب
وصوتك المقهور ف أحضان الزمن
يالِّ انت مدبوح ـ ألف مره ـ
ـ قبل ـ أعتاب الهوى!
لسه الغنا بْيتنفسك !
لسه الحياه بتحسسك ـ مع كدبهاـ
إنك هنا ..
وانت اللي ياما شبعت موت
وعلى البيوت
لساك معدّي بناي حزين
وعلى القلوب
بالكلمتين!
شدّاك مهارة كدبهم
قلّدتهم ..
قالوا عليك
"خايب قوي"
خالفتهم
قالوا عليك "اخيب قوي"!!
عايش كتاب مفتوحلهم
ميّت مداري عنهم ..!
تايه ..وأقرب شئ ـ قصادك ـ حضنهم
وبعييد قوي!
وكل صفحة بتنطوي ..
متكرره
شفت (الهواجس) كلها متفسره
لكن غبي
كدبّتها
"مرسال دموعك مش نبي"
صدقت ليه..؟
عمرك غناوي للبكا
متنتوره
و ساعات حياتك كلها متأخره
وعشتها ..
تجري حروفك للحياه
بس انت تتخبَّى ورا!
...........
علي قد حزنها والألم اللي فيها بس بجد تسلم إيدك
تحياتي
سراب خادع
امل هالل
من الشبابيك ..
بيوعد انه يتحقق
ولو احقق..
الاقى ضحكته الصفرا
بتتوعد ...
و تنسج فخ م الضلمة
و بتبعتر خطايا بقيد من التنهيد ..
اخويا العزيز جابر ..
نورتنى و منحتنى حروفك باقة زهر
عافر
ياللى بين رفات ماضى
قلبك حى ...
و حالف يوم ما هتدمع ..
راح تنزف جروحك ضى
يمكن !!!
كرامة لبياض قلبك
ينبت فى سواد دمعى ..بكرة الجى !!
سهووور
و رغم انى ... طير و هايم ف الهوا
بس لما بقف ع الارض بتشدنى
العزيز هانى زينهم ..
تعرف بجد رايك بيهمنى ...
وساعات اكتر بندى احنا للناس الانطباع المغاير للحقيقة .. علشان بعضنا مش بيحزن الا ف سره!!
وبزور..
مقام سيدى الناسى
فى اللحظة ..
الف .. لوم!!
وتلسعنى بروده حديده
تزيده رعشة صوابعى ...
و لفتة عيونى للسما ..
مرسال غيوم ..
تدمع !!!
فيزيد جفا ..
تلمح .. تلقاه اختفا ,,
و ايه هايفيد ..
ياللى انت رايد م الحياة
تنتوفة ضيا
و هى زايدة ف عندها ..
لا تروح تراود ودها
ولا تهل عليها بوش ..عتاب
اقرا الفتحة ع الرايح ..
و بالمرة ..
الف رحمة للجايين
!!!
وما تسالنيش
عن ليلى الساكن التباريح
و الوحدة
ف وسط طوفان البشر
مبحوح صوت الغنا
ومخنوقة حكاوى الروح
و الشكوى حتى لحروفك ..
كسرة نفس ع الفاضى ..
ومش راضى انا .. عنى
و انا لابس توب البرد و بغنى
بصوت ابكم ..
و راسم وشى بسماية
ما تترجم
وتيجى الريح تبعترنى
وسيدى الناسى ليه كرامات ..
ف لحظة ما بيختفى ضله
تعود مراسيله و تقول له ..
فيندهنى كما نداهة الحكايات
و يرسم على الدموع ندمه ..
و انا ال ( خايب )
ارجع تانى اامن له ...
مايكل ..
يسلم لى مرورك الجميل ..
كل المودة
إرسال تعليق