مساحة سودا ... وصمت
يمكن فراغ؟
****
وليه بيهجم الوهن من غير انذار
على ابتسامة وداع
مرعوش
بيحاول يتهجى كلمة وعد
فما يسيبش ف شوارع ( لقا )
وكل مرة تخبط الباب بوجعك
وما تقفلوش ..
وانده لك
وما تردش
و تتسرسب سنين العمر ..
بصمت .. صاخب المعانى
بيعانى
من اختناق البوح
لحظة ما تسألنى
و انا اجاوبك
كالعادة
مافيش ..
و كل مرة اقول لنفسى
"ما تناديش "
كبرتى
و الشيب عرف طريق الايام
فابيضت
حبه ...
وما بقتش احزن
الا .. ف سرى ..
.jpg)
.gif)
هناك 26 تعليقًا:
و عديتك
و عديت فوق خيال ضعفى
و انا عمرى ما كنت ضعيف
غير لما سندت عليك
فـ وقعنى ..
انى....
صدقتك
انا اااااااااسف
خلاص جدر الحنان .. ناشف
و مش كاشف ..
عن النبته ..
اللى انا بدمعى ..
رويتها ..
ما كبرتشى
و ما ماتتشى
فعل الاستسلام .. جريمه
و معترف انى برىىىىىىء
حتى الحزن فى السر ممكن لو حكيتى لحد قريب منك قوى
ترتاحى اكيد
ربنا معكى
كلامك اجمل واعمق من انى اعلق عليه . بس البوست الجاى عندى هيبقى عنوانه "على هامش وداع لسمر " .
ممكن ؟؟
تصدق؟
إلحروف .. بكفوف!؟
بتتشبّك ساعات مع بعض
وبتطبطب على صحابها!
وتنده حرف يحضنها يخوّف برد
"بيكلبّش "
ف "معنى" كتبتُه واتكرمّش
وتعبير (قلبي)
مش جايبُه من التجاعيد!
ووشي "العيّل"
ـ المهدود شقاوة ـ /
بعيد !
بيشتقلب
ما بين عقلُه وجنون نبضُه
وتركيزه
وتوهانُه
وبين خجلُه ....
وهذيانُه
وبين طيشُه
وتصديقُه
بمليون تجربة إنه
زِهق م الكون ده إنسانـ)ـُه
ومش بااقيلنا غير عكّاز
على "شماعه"/
متعلّق
شبه كام قلب جوّايا ..!
وحرفين شعر (يتحسّوا
يِمسّوا قلب ليل الخوف
"يغور"
..ساعة
يمسوا عليه
/
فيتمسّوا بأشباحه الّ بتصرَّخ
مدد .. يا كلام
لـ حس
براءتُه بتوّصل لمدد الشوف
وبتصرّخ
عدم ..يا سكوت
وأقرالك
فـ تكتبلك ايدين حرفي !!
تصدّق
إلحروف
بكفوف
وبتشاور وبتنادي
تصدق
دي ؟؟
نقطة نظام ..
اياك تكون فاكر عشان ما قدرتش ابطل
ا ح ب ك
انى اتهزم بدرى قدام البرد فى عيونك
ويجرى القلب و
ي ض م ك
***
ومش هعلن خضوع كداب
لجبروت البعد و عنادك
و امشى فى سكة ما قصدش
تكون ليا ..
ومش لازم ومش مفروض اكون زيك
بعرف اخنق الفرحة
ف يوم ما تهل
واقولك اصل مش فارقه ..
عيونى تضل
***
سهر تعرفى ان سكوتك حرام شعرا؟
رومانسى .
مرسى على تواجدك الجميل ...
ومين يستغنى عن وجود الناس القريبين
مودتى
هانى زينهم
ده مش بس ممكن .. ده ياريت كمان وشرف ليا ..
حضورك دوما له جماله الخاص ..
الكارثة الطبيعية الشهير بهانى رمضان
****
بتتصدق اهات خوفك ..
اهات المك
اهات الاه فى تنهيدة حروف ضيك
لما بتيجى و تشاور لاحزانى
فتتشكل
براح اخضر
ونبقى فى القوالة اتنين
صحيح خايفين
لكن صوتك مونسنى
بس يا صاحبى مش قادر
اصحى الفرحة فى الحرفين ..
و اشبكهم
ولا قادر اكملهم ..
و انا عكازى كان ( هو )
واهو اتكسر !!!
دا اصل الشعر
شوق خاين بيفضحنا
لما ف اخر السطرين
بنلمحنا
وييجى معادنا .. نتاخر ..
:))) سمر انا الى بلخبط هنا
الغير معروف الاخير هو انا
وصححتها بقى (يادى الاحراج)
ايموشن مكسوف
ـــــــــــــــ
وبندهلك مبتردش
أقول يمكن
وحشته أكيد
وانده تانى..متردش
اخش فى قلبي بردانه
اوشوشنى
متبكيش..
ساعات اكتر
اخطط سكة
من تانى
تفوقني
تغيرني
واحلف عمري
ما اكرر
وجع قلبي
واحلف كل ما أفكر
فى ندا غايب
وأوصل برده
لمعادلة
خدت منى
سنين تفكير
ناديا عمره
ما وصلك
ولا صوتي الى كان منك
عرف قلبك!!
فــسكتني
وأتأسف لروحي
كتيرررررر
وداعك خلى قلبى التاع
بجرحك ليا واسمه وداع
وداع عدي بحور اوجاع
وطول عمري هوايتى وداع
سمر
انا جيت هنا لقيت مساجلات في منتهى الروعة
كنت عايز أزرع حرف هنا
و اخبي فيه سر وداع
لكن روعة المكتوب من الجميع
خلاني
أخبي سري جوايا
تحياتي
سمر
مش عارفة أنطق
غير إني فاشلة عامية أنا مش عارفة أنطق
أصل الكلام ده بالمللي هو اللي جوايا دايما ..
...
و كل مرة اقول لنفسي
ماتناديش
كبرتي
..
بس مفيش فايدة
ماهو من طول و الأمل موجود وسط الحلم لازم أنده ..
...
وجعتيني من تاني .. هو آه دايما موجود بس الوجع بيتجدد
دام الجمال
جميل جدا كتاباتك
انا قريت المدونة كلها تقريبا
.
.
يشرفني ادعوكي لحفل توقيع ديوان احلام شكك
للشاعر وائل فتحي غدا الثلاثاء
10/2/2009
بقصر الامير طاز بالسيدة نفيسة
.
.
هيكون هناك جمع خفير من الشعرا والادباء
يشرفنا وجودك
اسف قصر الامير طاز بالسيدة زينب
يشرفنا حضورك يا استاذة سمر
لقد قرأتك يا سمر هنا في مدونتك
و في دوار العمدة سابقا
لذا
و لنك قلم وداعد ادعوك ِ لتشريف منتديات الشاعر وليد دويكات التي تحمل اسم : (( منتدى رابطة شعراء جرزيم الأدبي ) على هذا الرابط :
http://www.waleed-dweekat.com/forum/index.php
كما و يشرفني أن ادعوك ِ لتسلم منصب كبير المشرفين هناك لما لاحظته من رقة قلم و مشاعر في بوحك ِ في خواطرك و قصائدك الأدبية
و حتى نلتقي اقبلي مني فائق احتراماتي
أسماء
منتدى رابطة أدباء جرزيم الأدبي
و بتدمع عيونى كتير
الايام دى
و بكرر .. لروحى اكتر
ما تخطيش مسافة وجع فاضلة
ما بين شكك و بين تاكيد
ولا يغرك ثبات الحال
ده موج عاتى
هياخد سكتك وياه
و يتمرد على الاحزان
يخليها فراغ داكن
ما تسكنهوش غير الغربان
ولو فضيت سكك صبرك
هتمليها انين مسجون
و لا تقريش ف يوم انك
غلطتى فى حسبه الاحساس
***
ساااارة ..
وحشتينى يا بونبوناية
وحلوة رفرفة حروفك وبوحك و صادقة حد الدموع
وصدقنى ..
منيشش قادرة على الاوجاع
و لا قادرة اخطيها
و من اخر حدود الروح
بندهلك
وعارفة انك
ما هاتردش
***
اسامة عبد العال
ديما البلوج بينور بيك
دكتور احمد عثمان ..
على فكرة بقى ...مش علشان انا فى المنفى دلوقتى ومش باجى كتير تحرمنى من تواجد حروفك هنا ..
مستنيه اقرا السر ومش هتنازل
دكتورة اسماء على ...
الامل عصفور طايش ينزل على غصون الشجر
تتهز
يخاف يسقط
فيطير مننا تانى ...
و ننادى .. و يصبح صوتنا سراب
وبحب وجودك هنا اوى
ادم المصرى
نورت البلوج .. وسعيدة جدا بردك ..
خسارة انى اتاخرت وما شوفتش الدعوة ف وقتها ..
مودتى و ارق امنياتى
العزيزة اسماء
شكرا لتواجدك الراقى ودعوتك الكريمة ..
واعتذر عن تأخرى فى الرد باذن الله سازور المنتديات عندما تتاح لى الفرصة فى القريب جدا
و لا عمرى كنت الضى
و لا حلم بكره الجاى
و لا كلمتين جايبين
من شمس بكره.. الحى
و لا كنت ساكن موت
و لا بتوهب لسكوت
لكن فيه شىء مفروض
يدينى شكل و زى
مش جاى يا بكره ؟
بلاش ....
من امتى كنت الجاى
وكنت حلم ..
وصوت جرس المنبه..فزع
وكنت ظلم
وقلبى البرئ اللى بيك اتخدع
وكنت كنت ..
وانا اللى هنت ..
وعشقى ندا
ما عمره اتسمع
***
سهر ...
واعذرى صمتى المخنوق و رعشة قلم ما بقاش بيعرف يقول
إرسال تعليق