ف قلب كفى المضموم .. رعشة
نقطة ياسمين ..
تستنى .. حنين ..
تستنى ومين
يلمس لمسة ...
دى حروف اللولى الملضومة
ف حبة احساس ..
خايفة لتنداس ...
وايقاع لنبض المتسربع
لما بشوفك ..
حساه لسه ..
وطبطب على جرحى بصوت ضحكة
معجونة كسوف
و لا عمره الخوف
يقدر يرسم لهواك اشجار ..
تطرح فرحة ..
ولما انا سارحة
مين اللى عينيها بتنده لك ..
وبكل الشوق .. تهمس همسة؟
.jpg)
.gif)
هناك 37 تعليقًا:
أغنيتك لها موسيقى داخلية جميلة ومعاني أجمل ..
شكرًا للمشاركة بها والإمتاع :)
جميلة مفرداتك يا سمر . وخاصة اوى والايقاع كمان سريع وخفيف ع القلب والودن .
دمتى متألقةولو ان انتاجك قليل انما بجد جميل .العيب الوحيد قصر وقلة الابيات رغم ان الفكرة تحتمل اكتر .
وف قلب كفي المضموم .. وحدة
(لمعه في عنيك..
ضي ف لياليك)
وقفلت عليهم/
خوفي عليك ...!
هافتح .. بشوووويش/
مش هستنى/
بيوحشني الشوووووف !!
***********
بتهجى الحلم على شفايفك
واياك تسألني
ازاي شايفك
وانا مش ويّاك
هاحكيلك ليه عن أحلامي؟
وكنت أنت هناك !
بأمارة
ما سكنت ف عيني
ورِِّتني ..ضحكة .. بتتريق
على بكا مخطوف !
********
وشوش لقلوب
كانت تشبهني من برّه
ويخلق م الشبه ..ياما
وشوش .. وخلاص
لكن للروح
وللإحساس
في توأم .. يتخلق مرّه
وحتى الموت مَهُش آخر حدود الشوق ..
عشان .. ملحوق
بحلم لقانا ...بعد فراقنا أرض الخوف!!
الله الله
مين اللى عنيها بتندهلك؟
ياترى مين؟
يعنى هيكون مين غيرك يا ارق همسه
بدايه-- انتى وحشانى اوى اوى
نفسى اشوفك فى معرض الكتاب اللى جاى ان شاء الله
دمتى ارق همسه
وايقاع لنبض المتسربع
لما بشوفك ..
حساه لسه ..
وطبطب على جرحى بصوت ضحكة
معجونة كسوف
و لا عمره الخوف
يقدر يرسم لهواك اشجار ..
تطرح فرحة ..
ولما انا سارحة
مين اللى عينيها بتنده لك ..
وبكل الشوق .. تهمس همسة؟
....
لحظات الخوف والخجل والارتباك في حضرة الحبيب دوما هي سمة القلوب الحالمة .. كلماتك هذة ذكرتني بقصيدة كتبتها قديما تقول
.......
لا أدري
أقدرٌ سعيدٌ .... رماني بدربِك
أم كان حظاً .... تعيساً وبائس
فمُنذُ عشِقتُك .... عرفتُ التردد
وصرتُ ضعيفاً .... أسيرَ الهواجس
ويخفتُ صوتي .... حين أراكي
بين الكلامِ .... وبين التهامُس
واذا التقيتُك .... ترجُف يداي
فكيفَ ستُصبح .... وقتَ التلامُس !؟
.............
وقبلَ اللقاءِ .... أُزيّن كلامي
أُجمّل حروفَه .... فيُصبح مُنمَق
وحين أراكي .... يعجز لساني
فاستحلِفهُ .... بربِك أن إنطِق
فيأبي ويرفُض .... وتمشينَ أنتي
وأبقي بعجبٍ .... ولستُ أُصدّق
ودقاتُ قلبي .... تفوقُ الخيالَ
فماذا دهاكَ ؟ .... يا قلبي ترفّق
جنونٌ هواكي .... أصابَ الفؤادَ
فصار يُحبك .... بلا أي منطق
........
باكون سعيد دايما بتواجدي في عالمك يا سمر
تحياتي
الاحساس والموسيقي في الكلمات جميل اوي
وعجبني كمان التعبير ده... او دى حروف اللولى الملضومة ف حبة احساس .. خايفة لتنداس ... وايقاع لنبض المتسربع لما بشوفك .. حساه لسه .. وطبطب على جرحى بصوت ضحكة معجونة كسوف
تحياتي
و كان ضهر النغم محنى
و مستغنى ..
قديم اللحن عن صوتى
اذا غنيت
فانا استغنيت
لكن يمكن يكون موتى ..
الغنا الصامت
نقول تانى ؟؟ الندا الخافت
و نتهافت ..
على باب الكلام ..
يخلص
نفوت بكره
و بكره يبيعنا ما يفوتشى
نروح برضو
و نستنا
جميلة اوى يا سمر
طبطب على جرحى بصوت ضحكة معجونة كسوف و لا عمره الخوف يقدر يرسم لهواك اشجار .. تطرح فرحة .. ولما انا سارحة مين اللى عينيها بتنده لك .. وبكل الشوق .. تهمس همسة؟
وحشتينى
جميلة اوى يا سمر
طبطب على جرحى بصوت ضحكة معجونة كسوف و لا عمره الخوف يقدر يرسم لهواك اشجار .. تطرح فرحة .. ولما انا سارحة مين اللى عينيها بتنده لك .. وبكل الشوق .. تهمس همسة؟
وحشتينى
اغنيه جميله اوى وملحنه نفسها
احساسك عالى والموسيقى الى جواكى ماليه الدنيا ايقاع وسعاده
البوست ده حلو اوى
تسلم ايدك
تحياتى
جميلة الكلمات وفيها سلاسة حلوة
ده رقم حساب بنكي يتم تلقي التبرعات من خلاله لصالح غزة (تم عرضه في برنامج القاهرة اليوم )
(25015) بنك بيريوس.
احمد ..
مرحبا بزيارتك الاولى للمدونة .. اسعدتنى زيارتك وتعليقك جدا ..
مودة بلا حدود
هانى زينهم ..
بنتظر دوما تعليقك على العمل لانه بيعكس قراءة جميلة و ووعى كبير ..
ادعيلى يحن على القلم و يرضى يكتب ..
جامدة حموديو فظيعه يا سمر على فكرة
دي لازم تتلحن اساسا
دي رهيبة جداااااا
على فكرة
كلامك خفيف و جميل يا سمر
تحياتى
هانى رمضان ..الكارثة الطبيعية !!
وجودك دعوة مفتوحة يلبيها القلم بسعادة
دمت بشعر ...
***
وكل مرة .. اقول
اخر مرة تهجر ..
و اخر مرة هعذر
بطلت خلاص ..
اصحى ومن عز الحزن اناديك ..
و اتوه ف عينيك
لحظة ما تطل ف نظراتك ..
لمحة احساس ...
-----
اخر مرة ....
لما تسيبنى ..
يحاصرنى الخوف
اللى المنى
و حنين موجوع
حرمت بجد اشتاق تانى
تتهجانى ..
تنهيد ودموع
عمّال بتحكي في ايه يا عم!
الجرح لمّ !
قلبي اللي عشقك واتظلم
في هواك/
بيصرخ مش مهم !
اسمع بقى !!
يا مغنواااااااتي !!!!!
مش عاوز اهاتي
هاكتم آهاتي
قدامك اضحك
وف بعدك ابكي
يا بايعني جرحك
إحساسي ملكي!
بتقولي آخر
ماهو مش بكيفك !
لا نبضني قلبك !
ولا ساعني شوفك
آخر حروفي
مش عاوز اشوفك!
ولا عاوز اسمَعلك
واضَّيعلك
حياتي !
يا مغنواااااتي
عمّال بتحكي في ايه يا عم !!
blue wave
مش عارفه والله يا دكتور .. انا بقول نحقق فى الموضوع ونشوف !
مرورك الرائع دوما يسعدنى
بسبوستى الجميلة و انت كمان وحشتينى جدا جدا
ويارب فعلا اقدر اشوفك يا قمر ..
حقيقى انتى انسانة بجد
فارس بلا جواد ..
ممكن انا اقولك الله الله على العطر اللى انتشر هنا فى صورة كلمات ..
حقيقى عف رائع على وتر الرقة و العذوبة
دمت بشعر و فن
الفارس الملثم
شكر على القراءة الجميلة و التعليق الرقيق جدا ..
سعيدة بان النص حاز اعجابك ..
مودة بلا حدود
ويتعكز نداه الصامت على الاوجاع
و بيدندن نشيد متباع
لسكة تبتدى فراقنا
وينهيها المخبى ضياع ..
و بيقسم دموع عينى ..
لحبة صمت
حبه كبت
وقلب كبير تملى يساع ..
ومش راجعة اقف تانى
وباب الحلم ينسانى
ويفضل بكرة و امانى ..
خداع ف خداع
***
سهر ..
طب اقولك ايه وانتى عارفه
سارة .. بنبونتى الحلوة
وحشتينى ..اكتر ...
وصحيح هى الدنيا معصلجة .. بس اهو بنقول يارب
ممكن..
الاجمل من البوست التعليق اللطيف و التشجيع الرائع اللى اكيد اسعدنى جدا جدا
دمت بخير وسعادة
موناليزا الجميلة
مرورك الرقيق دومى يسعدنى ايتها الرائعة
ارق امنياتى
هانى رمضان ..
ربنا يقدرنا جميعا نساعد
شكرا بحجم الكون
ميرو العزيزة
لو تعرفى قد ايه بيسعدنى مرورك يا قمر..
سعيدة جدا ان النص عجبك كده ..
ارق امنياتى
زينب المسلمانى
نورتى المدونة و يارب وياتك تتكرر يا جميلة
شكرا على وجودك الرائع
تفاجئنى هجمة شتاف صوتك
,و تلون الكلام بصفير
رياح قاسية .
تدبح غصنى انا الفرحان
بخضار القلب و النيه ..
و مش ليا ..
ندا المشتاق و اهاته
لما يتقن التمثيل ..
خداع مسجون
جوة ضحكتك يكبر ..
وانا المحتار ومش فاهم ..
ترجع ليه و تتكلم
مادام الصمت
كان ارحم
***
هانى رمضان
ورد ابيض زى قلبك اخويا العزيز
الضحكة بتصرّخ
بقصة الموجوع !
والكل متجاهل
ومحسسك بالجوع
المشي في محلك !
على ضناك / خوفك
لو الغنا (مشكله)
الصمت مش حلّك !
حلك..
ثبات ... لمّا
تقراك عيون تفتح
رحابها لحروفك !
وتطل على الجاي لك
وتطمنُه .. بشويش
للحسّ فيه شبّاك
وارب لُه بس الشيش
مع إني مبغنيش
الصمت مش أرحم !!
تفتكر اكون متشائم لما ...
اطل بعيون البصيرة و اشوف
روحى ..
واقف فى صحرا الانهزام .. مكسور
و شمس الامنيات المطفية تعب
بتشاور
لاخر سكة ... تقولها .. روحى ...
بيقولوا المنديل فراق
حتى لو .. ماكانش لدموعك
دا فعل الثبات محلك
مهوش شجاعة تتحسب
وقت الضلال ما يكون
زينة حياة (ماهياش .. )
ووقت ما تدور
ع اللى يقرا الوجع ..
ببلاش ..
وعندك مخليك مصمم تكمل سكتك
و كتير حاجات فى العيون ضلتك
لكن ..
اكيد هو .. بس ما جاش
ساعة ما ناديته و دعيت يسمع..
بنتعكّز على صوتنا/
اللي راح .. فينا !
(والخوف
بـ وشين)
فيهم واحد .. بيرشينا !
فـ بنشوفه
طمأنينه !!!
ونجري لحد......
جوّانا !
ومن سرعة هروب الحرف
ماتشافشي!
و حتى اللي "فضوله" يبص
على حسك
(على الماشي)
ميفهمشي !
ف لو نثبت
هنبطل حجة الي يقول
جه يقرانا ..
وملْحقشي !!!
***********
وهوه ..!
إللي انا (عارفُه) ..
ومش (شايفُه)
ولا بآمن ..
ضلالي بـ وشوشة ودعي !!
عشان (ييجي) !
وبحمد ربنا ..إني ..
بحسّ بـ (قربُه) من صوتي
ساعة ما ادعي !!
**********
الله عليكي يا بنتي !
مساء الشعر يا سمر ..
جرب ..
و انت على سور الروح مسنود
بتدخن وجع صافى ..
تسيب حتى .. الدمعة تفر ,,
وده شئ كافى ..
عشان تطير عصافير البوح
من فوق شجر صدرك .. غنا ..
يملا الكون ونس دافى
**
عارف
من غيرك تعبت كتير ,,
ومعاك اللى هو برضه غيابك
تعبت اكتر
و انا بحاول بس ,, افضل هنا
اول ما رسم الخوف يطوف
على صفحه
يترعش المسار
و المستقيم الخط
حط
دايره مشبوكه ف دواير
و المستحيل ف الاصل ممكن
بس غاير
و الحقيقه كيان و ضايع
حد بايع
و لا بايعانا الحقايق
عند عتبة الاختيار
و المفارق
دوامات
________________
جيت تانى
عادى يعنى
وحشنى كل حاجه و انتى طبعا مع انك على طول معايا
ولأن توابع الزلزال اعنف
ما عرفتش ابنى اساس سليم
يتحمل رعشة تانى
و خططت الصفحة بخط احمر
بيقول ممنوع ..
الاقتراب
و الاغتراب
و الاحساس الصافى لما يطل
وان القلب يكون اخضر ..
و الاختيار ماهوش وارد
لحظة ما تنكسر حقيقة كوننا / احنا
و كون المستحيل لما صبح فى حضن الايد
فجاة فقنا
مالقيناش
غير ..
سراب
***
وازاى اكون من غير ما تيجى ؟
إرسال تعليق