عارف .. لما ببص لصورتك
القى عيونك ندهالى ..
وكأن المسافة يادوب ...
تنهيدة
و تبقالى ....
نفسى ..
احط قلبى بين كفوفك ..
و اسيبه يطرح
فل ناعم
زى صوتك
لما مرة .....
......
صحيتنى على كلمة
ب ح ب ك
وحسدتك
على غرامى .. على كلامى
على حلمى اللى ما اتفسر
- وبحبك ...
- ..لأ .. انا اكتر ...
.jpg)
.gif)
هناك 26 تعليقًا:
عجبتنى الكلمات دى بجد
بدندن من نغم صوتك
و جايلك ..
قلبى دا المفتوح على الاخر
و حاسبك ..
للمطاف آخر
بلملم من وجع صوتك ..
حروف ضيك
مفيش زيك
***********************
فليحيا اللون البمبى
و الدنيا ربيع و الشتا جايه بلون بمبى
المرة دي مش همس السمر
دي وشوشة السمر
باستمتع جدا بالسهل الممتنع
اللي بتجيديه باحتراف
أكيد
أكيد
لازم اعتذر عن التأخير
صورتى هي ضلى وضلى مات
لما مره كان زمان فى الذكريات
حب قلب والقلب سمعه صوت سكات
سكات خلى حب العمر كله فى قلبه مات
شيلى قلبك من كفوفى ومتخافيش
اي قلب فى بعده عني اوام يعيش
انتى كنتى للزمان فرحه ومتخافيش
يوم ما يجي فرحي فى الزمان تانى هاعيش
blue wave
منورنى دكتور عمرو .. سعيدة ان الكلمات عجبتك
سهووور ..
بمبى ايوة يا ستى اهو و الدبدوب بيغمز
يارب يسعد ايامك يا جميلة
***
سجنتك ورا رمش العيون تدفى ...
و جريتك ف احضان الوريد تصفى
و كتبت اسمك على جنونى
دفا عشى ؟؟
وسالتك ليه...؟
................
ما ردتشى ..
فقلت الاه بحليها
بموج سكر
و اخلى شراعى يطويها
بحور الشوق ..
بشوق اكتر
لقيتك انت معانيها ..
مكفيها .. بحنان اكبر
دكتور احمد
واكيد اكيد فرحانة انك جيت ..
حضورك المميز دوما يجعل حروفى تزهو
اسامة عبد العال
ورده بيضا لجمال حروفك
****
وساعات
بيكون سكات الروح ..
نغم .. يحكى عن كل اللى فات
و ساعات يكون الشوق الم
ما تطفيهوش الامنيات ..
و لو كان السكوت حرفى ..
ليه انت ما بتقرانيش ..
مع ان .. وشوشة النسيم ساكتة
و كلام الحب
ما يكفينيش...
على العموم انا بحبك اكتر
دمتى رقيقه اكتر يا همستى
كلام الحب مش قصه و لا حواديت
و لا اسمين بيتشابكوا بشبكة ايد
و لا حرفين بنغزلهم على حكايه
و نصحى نلاقى نفسه كلام نقول و نعيد
كلام الحب مش غنوايه نسمعها نقول محلاه
و لا نزف الجروح ف القلب قولة آه
كلام الحب هو اللى ....
ف وسط سطور شايل معناه
اصل الحب/ لسه انا عندى اسطوره
امير بحصان و سيف بيكمل الصوره
و اميرة كما الحواديت ...
حروف غنوتها جوه ف قلبى محفوره
كلام بسيط وناجح في إيصال الاحساس
دمتي متألقة
بتنهّدِك ..
لكن مبتعدِّيش
حدود الحضن ده
وف بعدنا
بستنى/
أقرب حتى من رغبة نِدا !
حتى امّا خاف ..
لو برتعش
بتنفسّك
تسكنّي رعشات الأمان ! ...
واضحك قوي
لما افتكر ..
تار كان ما بيني ..
والزمان
وسماح بقى
قلبي خلاص ترجمتلُه
أول كلام/
من نظرتك / أوول لُقا :
قاللي ب (رضا) ..
العفو
عند
المعشقه
ـــــــــــ
على رأي شاعر ـ عارف اسمه ومعرفش عنوانه ـ
كان إيه الموضوع ؟؟
صباح الشعر يا سمر
وهل تعتقدين هذا
هل تعلمين أنه لا يوجد في صدري قلب
هجرني قلبي لاجلك
عاندني كثيرا
وفي الأخير أنتصر
وتقولين أن حبك أكبر
لا أعتقد هذا سيدتي
فحبي لكي لا تشمله الكلمات
حبي يتعدي شعر العذريين
وملايين الأبيات
حبي ما وجد قبل
حب يقتلني يمزقني
يرميني الي شتات
................
مصافحه أولي لحرفك الجميل
كم من كلمات تلوث نقاء الورق
وتبث فيه قبح وحشي
ولكن كلماتك
ذادته نقاء
وحررته من سجنه الأبيض الممل
تحياتي
مساء النعومه والدق الخفيف خفيف يا سمر
اه واه كمان
ومش عارفه بقى
عجبتنى خالص..صااااااافيه
كاتبها منين دى ؟ :) علل
هنتقابل امتى بقـــــــــــى
الــــــلــــــه ...
وبحبك لا ... أنا أكتر ..
رقة .. واحساس ... وكلمات ..
بجد حكـــــــــــاية ..
كل سنة وانتي طيبة ...
(:
مستنيه جديدك
تقبل الله منا ومنكم
وكل عام وانتم بخير
بسنت الجميلة
كل سنة وانت اطيب واجمل و ارق يا غالية
منورانى يا جميلة
بس لا بقى انا اللى بحبك اكتر هه
ويتكلم ... يسمع قلبى انا يبلم ..
وما بيقدرش
يجارى حرفه ده السكر
و لا يعبر
عن احساس بيملانى
وهو عيونه حضنانى ..
اقول عشقك .. جناح اخضر ..
وهو الحب دا دنيا
وهو حلمى و اتفسر
و هو الشوق و تنهيدة
و هو الدنيا و الجوهر ..
**
سهووور حبيبة قلبى ..
الله عليك
ربنا يخليك ليا
شادى اصلان
دوما مرورك الجميل يسعد حروفى ..
وحلمتك ..
تكون عمرى ..
تكون اخر غناوى الروح
تكون قمرى
و انا اللى اسهر ..
وفاكر ؟
اول لقا لما فرح
قلبى اللى كان بينجرح
فى كل مرة بس اشوف اتنين حبايب
فى الحب دايب صبرهم
و احنا سوا
طفلين يمرجحنا الهوا
و ما يحلموش غير بالوصال
لكنه غايب عنهم
بتعودك ..
لما فى القرب المحال
تحضن سنينى
تسكت كتير ..
ينطق حنينى يزرعنى
فيك
شجر يضلل وحدتك ..
بتحملك .. لما تعاند قربنا ف يوم تروح
تطول سنينى و غربتك
***
شوف يا هانى .. انت و الشاعر اياه اللى انا برضه عارفه اسمه و عنوانه و كل حاجة عنه ..
هى حالة بوح و دندنه و..
يارب ديما متجمعين على خير و .. شعر
اكتبك سطور و عطور
احاسيس رهاف
واخاف
ان يعرف سكنك فى قلبى
ظلم السياف
ويطاردنى
و عيون العالم تحرقنى
واخاف يبوح بمكنونه
قلب شفاف ...
فالعالم لا يعرف انى
اودعت خزانة اسرارى
قلبك والحب وقرارى
واطياف من فنى ...
و العالم لا يعلم عنى
سوى احزان و تمنى
وخوف يتبعه فرار
***
الشارد
مرحبا بحروفك الرقيقة و تلقيك الجميل بين حروفى
سعدت بك المدونة و صاحبتها
ارق امنياتى
بونبوناية قلبى سارة
كاتبها م القلب والله .. وبرئ و ...
حتى اسألى الدبدوب
بحبك موت
فى شوية لخبطة و مامتى تعبانى ادعيلها بس باذن الله هنتقابل بسررررررررررعة
ميرام العزيزة ..
كل سنة وانت جميلة ورقيقة و زى نسمة صيف محملة بالعطور .. ربنا يخليكى ليا يا قمر ..
و قريب هايكون فى جديد باذن الله
م/ الحسينى لزومى
كل سنة و انت بخير وسعادة ورضا
نورت المدونة ..
رقة جدا جدا يا سمر حقيقي بجد يعني
لا حلوة موووووووت اخر حاجة والله
انا فاشلة مجاملات على فكرة
يعني هي حقيقي عجبتني
مستنية جديدك يا سمسم
miro el niro kwaniro
ميرو حبيبتى منورانى ..
تسلميلى يا غالية ..
ويارب الجديد يعجبك
إرسال تعليق