تعرف؟!
لساك قادر ....
..........
علشان خاطرى
بدل وبسرعة دموع العين
سكر مرشوش
على سما زرقا
وسحابها خيول ..
فى براح القلب اوام ترمح
اوعاك تجرح
مش قادر قلبى على الاحزان ...
حبه الوان
شخبط بيهم
فى بياض العمر المتوضى
بندى النسيان ..
استنى كمان !!!
ارسم ورده ...
اوراقها حنان ..
خليك جنبى ...
ده المتخبى
ف هوايا امان ..
عارف طبعى ...
رغم ان الحزن بجد ...يهد !!
بعرف افرح
لو مس ضلام اليوم منك
ندعة ياسمين
ما تكونش بخيل ..
وازرع فى غيطان الصمت كلام
مايكونش ملام
قادر تسبح.؟.... ضد التيار ؟
اللى انت بنفسك حرضته
يبقى ملاوع؟
قلبك سامع؟
.jpg)
.gif)
