مقام سيدى الناسى

وبزور..

مقام سيدى الناسى

فى اللحظة ..

الف .. لوم!!

وتلسعنى بروده حديده


تزيده

رعشة صوابعى ...

و لفتة عيونى للسما ..

صد و غيوم ..

تدمع !!!

فيزيد جفا ..

تلمح ..

تلقاه اختفا ,,

و ايه هايفيد ..

ياللى انت رايد م الحياة

بس تنتوفة ضيا

و هى زايدة ف عندها ..

لا تروح تراود ودها

ولا تهل عليها بوش ..عتاب

اقرا الفتحة ع الرايح ..

و بالمرة ..

الف رحمة ع الجايين

!!!




وما تسألنيش


عن ليلى الساكن التباريح


و الوحدة

ف وسط طوفان البشر

مبحوح صوت الغنا

ومخنوقة

حكاوى الروح

و الشكوى حتى لحروفك ..

كسرة نفس ع الفاضى ..

ومش راضى


انا .. عنى

و لابس توب الصبر

و بغنى

بصوت ابكم ..

و راسم وشى بسماية

ما تترجم

وتيجى الريح تبعترنى

وسيدى الناسى ليه كرامات ..

ف لحظة ما بيختفى ضله

(حديد) القلب بيدله ..

فيندهنى


كما نداهة الحكايات

و يرسم ع الدموع ندمه ..

و انا ال ( خايب )

ارجع تانى اامن له ...